?Wan yɛ i ndɛ yo fɛ-ɔ?
“Ninnge nga be o mɛn’n nun’n be boli nun sa ngbɛn.”—Sitefɛnin Okingi nin Leonaa Mlodinɔvu, be ti siansifuɛ.
“Nyanmiɛn yili nglo nin asiɛ’n.”—Biblu’n, Bo Bolɛ 1:1.
?Ɲanmiɛn yɛ ɔ yili ninnge mun annzɛ be boli nun sa ngbɛn? Wafa nga siansifuɛ nɲɔn nga e kannin be ndɛ’n be tɛli kosan sɔ’n su’n ɔ nin ndɛ nga Biblu’n kan’n, be sansan be wun. Sran wie’m be waan siansifuɛ’m be ndɛ yo fɛ. Wie’m be kusu be waan Biblu’n yɛ i ndɛ yo fɛ-ɔ. I sɔ’n ti’n, sran sunman be siman ndɛ kun nga bé fá sú-ɔ. Wie’m be liɛ’n, be si ndɛ sɔ’n i su akplowa.
Sɛ a ti suklu ba’n, atrɛkpa’n amun like klefuɛ’m be seli amun kɛ ninnge’m be boli nun sa ngbɛn. ?Sanngɛ be yiyili like nga ti yɛ be se sɔ’n i nun kpa kleli amun? Sɛ a kɔ asɔnun kusu’n, e si kɛ amun asɔnun’n nun lɔ’n be seli amun kɛ sran kun yɛ ɔ yili mɛn’n niɔn. ?Sanngɛ be kannin like nga ti yɛ be se sɔ’n i ndɛ kleli amun? ?Annzɛ be seli amun ngbɛn kɛ ɔ ti “Ɲanmiɛn ndɛ” naan ɔ fata kɛ amun lafi su?
Atrɛkpa’n, ɔ bɔbɔ a buli ndɛ sɔ’n i su akunndan. Sanngɛ a seli ɔ wun kɛ sɛ sran kun yɛ ɔ yili ninnge mun annzɛ be boli nun sa ngbɛn’n, sran fi kwlá dimɛn i nanwlɛ trele sa. I kpa bɔbɔ’n, kɔlɛ’n a usali ɔ wun kɛ: ?Kosan sɔ’n i su tɛlɛ’n ti cinnjin li?
Fluwa nga wá kán ninnge nga be ukali sran wie mun naan b’a lafi su kɛ sran kun yɛ ɔ yili ninnge mun’n be ndɛ. I sin’n, ɔ́ wá kán like nga ti yɛ ɔ ti cinnjin kɛ e si kosan sɔ’n i su tɛlɛ’n i ndɛ wie.
Ninnge wie mɔ be kwla yo ɔ fɛ ekun'n
BIBLU’N NUN NDƐ CINNJIN MUN
?Sran kun yɛ ɔ yili mɛn’n niɔn?
Mɛn’n i bo bolɛ’n i su ndɛ nga Biblu’n kan’n, sran kpanngban be wunmɛn i wlɛ, annzɛ be bu i kɛ ngua ndɛ-ɔ. ?Ndɛ nga Biblu’n kan’n, be kwla lafi su?
KOSAN MƆ BIBLU’N TƐ BE SU’N
?Ɲanmiɛn yili like kun kpɛkun i sin yɛ like sɔ’n kacili ninnge uflɛ mun-ɔn?
Biblu’n nun ndɛ fi seman kɛ kɛ siansifuɛ’m be se kɛ like kun i wafa’n kwla yo fanunfanun’n, ɔ ti ato.
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
