?Be nga be wuli’n be liɛ w’a wie mlɔnmlɔn?
E ngba kwlakwla e wu. ?Sanngɛ be nga b’a wu’n, be liɛ w’a wie? ?E kwla wun be ekun?
NDƐ NGA BIBLUN KAN’N:
BE NGA BE WULI’N BÉ SÁ BE SIN NGUAN NUN EKUN
“Be kwlaa nga be o ndia’m be nun’n, bé tí i nɛn’n kpɛkun bé fín ndia’m be nun bé fíte.”—Zan 5:28, 29.
Ɲanmiɛn i wla fiman be nga be wuli’n be su. Kɛ i blɛ’n wá jú’n ɔ́ cɛ́n be.
BE NGA ƝANMIƐN WÁ CƐ́N BE’N BÉ TRÁN ASIƐ’N SU WA
“Be nga be yoli sa kpa-o, be nga b’a yoman sa kpa-o, bé cɛ́n.”—Sa Nga Be Yoli’n 24:15.
Sran miliar kpanngban nga Ɲanmiɛn wá cɛ́n be’n, be lafi su kɛ bé ɲán nguan m’ɔ leman awieliɛ’n naan bé dí aklunjuɛ titi.
E KWLA LAFI SRAN CƐNLƐ’N SU
“[Ɲanmiɛn] ka nzraama mun. Ɔ tɔn be kwlaa be dunman kunngun-kunngun.”—Jue Mun 147:4.
Sɛ Ɲanmiɛn si nzraama’m be kwlaa be dunman’n, nn i wla kwla kpɛn be kwlaa nga i waan ɔ́ cɛ́n be’n, be su wie.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Ngue yɛle sran cɛnlɛ’n?
Atrɛkpa’n, kɛ be kan be nga bé wá cɛ́n be’n be ndɛ’n i sɔ’n bo ɔ nuan.
