Ndɛ benin yɛ Biblu’n kan ɔn?
?E o ‘mɛn’n i bue nuan’?
?Á tɛ́ su sɛ?
Ɛɛn
Cɛcɛ
Ɔ kwla yo sɔ
Ndɛ nga Biblu’n kan’n
“Kɛ mɛn’n ɔ́ kɔ́ i bue nuan’n, lika’n ɔ́ yó kekle.” (2 Timote 3:1) Sa nga Biblu’n kannin be ndɛ’n, ɔ nin sa nga be ju andɛ’n, be kle kɛ e o ‘mɛn’n i bue nuan.’
?Ngue ekun yɛ Biblu’n kle e-ɔ?
Kɛ mɛn’n kɔ́ i bue nuan’n, sran’m bé kún alɛ. Awe’n wá kpɛ́n, asiɛ’n wá kéje. Yɛ tukpacɛ m’ɔ sa ndɛndɛ’n wá sɔ́n.—Matie 24:3, 7; Lik 21:11.
Kɛ mɛn’n kɔ́ i bue nuan’n, sran’m be nzuɛn’n yó tɛ kpa. Yɛ be su kloman Ɲanmiɛn i sulɛ.—2 Timote 3:2-5.
?Wafa sɛ yɛ cɛn wie lele sran’m be liɛ yó-ɔ?
Sran wie’m be bu i kɛ.. mɛn’n i awieliɛ cɛn’n nun’n, asiɛ’n núnnún. Sanngɛ, sran wie’m be bu i kɛ é liɛ yó ye. ?Yɛ wɔ li, a bu i sɛ?
Ndɛ nga Biblu’n kan’n
“Mɛn’n ɔ́ yó sran kpa’m be liɛ. Bé trán nun tititi.”—Jue Mun 37:29.
?Ngue ekun yɛ Biblu’n kle e-ɔ?
Mɛn’n i awieliɛ cɛn’n nun’n, klunwifuɛ’m be su tranman lɛ kun. —1 Zan 2:17.
Asiɛ’n wá káci lika klanman. —Ezai 35:1, 6.
Ninnge wie mɔ be kwla yo ɔ fɛ ekun'n
VIDEO MUN
?Ngue ti yɛ Ɲanmiɛn yili asiɛ’n niɔn?
Ninnge nglanmannglanman’m b’a yi asiɛ’n i piɛ. Ɲanmiɛn sieli i kan ɔ nin i fata’n sɛsɛsɛ. ?Ngue ti yɛ Ɲanmiɛn niannin nun yoli i sɔ liɛ’n niɔn?
