I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

SASAFUƐ TRANWLƐ'N MARSI 2016

?Ndɛ benin yɛ Biblu’n kan ɔn?

?Ndɛ benin yɛ Biblu’n kan ɔn?

?Wan yɛle Satan?

?Á TƐ́ SU KƐ . . .

  • Ɔ ti aolia nun sran?

  • Ɔ ti sa tɛ mɔ sran yo’n, i nzɔliɛ?

  • Ɔ nunman lɛ?

NDƐ NGA BIBLU’N KAN’N

Satan nin Zezi be ijɔli, yɛ ɔ kunndɛli kɛ ɔ́ ‘láka’ Zezi. (Matie 4:1-4) I sɔ’n kle kɛ Satan o lɛ sakpa, naan ɔ timan sa tɛ mɔ sran yo’n i nzɔliɛ. Satan ti anzi klunwifuɛ.

?NGUE EKUN YƐ BIBLU’N KLE E Ɔ?

  • Laa’n, Satan ti anzi kpa. Sanngɛ, kɛ ɔ́ kɔ́ i ɲrun’n, w’a “di-man nanwlɛ” kun. (Zan 8:44) Ɔ buali ato, yɛ ɔ yoli ɲin kekle Ɲanmiɛn su.

  • Anzi wie’m be niannin Satan i ayeliɛ’n su.Sa Nglo Yilɛ 12:9.

  • Satan saci sran kpanngban be akunndan naan be bu i kɛ ɔ nunman lɛ.2 Korɛntfuɛ Mun 4:4.

?Satan kwla kle sran’m be yalɛ?

SRAN WIE’M BE WAAN Satan nunman lɛ naan se kɛ sran’m be yalɛ yɛ ɔ́ klé ɔ. Wie’m be waan asiɛ usu’m be kwla kle be yalɛ naan i ti’n, srɛ kun be kpa. ?Yɛ ɔ li, a bu i sɛ?

NDƐ NGA BIBLU’N KAN’N

“Klunwifuɛ’n sie mɛn wunmuan’n.” (1 Zan 5:19) Satan sie mɛn wunmuan’n. Sanngɛ, ɔ sieman sran’m be kwlaa be tinuntinun.

?NGUE EKUN YƐ BIBLU’N KLE E Ɔ?

  • Satan laka sran mun naan w’a kwla sie be.2 Korɛntfuɛ Mun 11:14.

  • Asiɛ usu’m be kwla kle sran’m be yalɛ.Matie 12:22.

  • Ɲanmiɛn fanngan nun’n, e kwla “jran kekle” Satan ɲrun.Zak 4:7.

 

SUAN LIKE UFLƐ EKUN

?Ngue ti yɛ Ɲanmiɛn yiman sa tɛ’n nin ɲrɛnnɛn’n niɔn?

?Wafa sɛ yɛ sa tɛ’n bali mɛn’n nun ɔn? ?Yɛ ngue ti yɛ Ɲanmiɛn nin a yiman ɔn? ?Naan ɲrɛnnɛn wunlɛ’n wíe cɛn kun?