Kɔ i nun ndɛ'n su trele

Kɔ like ng'ɔ o fluwa'n nun'n su trele

NASA Photo

MAAN AMUN ƝIN TRAN SU!

?Awa kpa kun o lɛ m’ɔ́ síe sran mun tititi-ɔ?—?I su ndɛ benin yɛ Biblu’n kan-ɔn?

?Awa kpa kun o lɛ m’ɔ́ síe sran mun tititi-ɔ?—?I su ndɛ benin yɛ Biblu’n kan-ɔn?

 Asiɛ wunmuan’n su’n, mɛn siefuɛ mun nin be janunfuɛ’m be wunman be wun fɛ kaan sa. Nvle nga be nun’n, be kan mɛn siefuɛ mun nin be janunfuɛ’m be ndɛ kɛ be di junman kpa bɔbɔ’n, ndɛ o lɔ wie. I wie yɛle kɛ sran’m be kan sa tɛtɛ nga be siefuɛ’m be yo’n be ndɛ. Asa’n kɛ be yo vote’n, be wunman sran ng’ɔ ɲɛnnin i’n annzɛ sran nga w’a ɲɛnmɛn i’n. Asa ekun’n, politiki ndɛ ti’n, nvle wie’m be nun’n, sran’m be timan be wun aniɛn kun. Yɛ nvle nunfuɛ’m be sanngan lika’n nun fa kle kɛ be klun jɔman be siefuɛ’m be wun.

 Biblu’n kan awa kpa kun i ndɛ. Atrɛkpa’n, w’a ti awa sɔ’n i su ndɛ’n le. Kɛ Zezi Klisi klé sran mun wafa ng’ɔ fata kɛ be srɛ Ɲanmiɛn’n, ɔ kannin awa sɔ’n i ndɛ. Ɔ seli kɛ:

  •   “I sɔ’n ti’n, amun liɛ’n, wafa ng’ɔ fata kɛ amun srɛ Ɲanmiɛn’n yɛ: ‘E Si m’ɔ o ɲanmiɛn su lɔ’n, maan ɔ dunman’n yo sanwun. Maan ɔ Sielɛ’n i blɛ’n ju. Maan ɔ klun sa’n kpɛn su asiɛ’n su wa kɛ ɲanmiɛn su lɔ’n sa.’”—Matie 6:9, 10.

 ?Sielɛ sɔ’n i su ndɛ benin yɛ Biblu’n kan-ɔn?

Ɲanmiɛn Sielɛ’n ti kpa dan

 Ɲanmiɛn Sielɛ’n wo ɲanmiɛn su lɔ.

  •   Zezi kannin Ɲanmiɛn Sielɛ’n i ndɛ seli kɛ ɔ ti ‘ɲanmiɛn su lɔ Famiɛn Diwlɛ.’ (Matie 4:17; 5:3, 10, 19, 20) I ti yɛ ɔ seli kɛ: ‘Min Famiɛn Dilɛ’n finman klɔ sran mun’n’ niɔn.—Zan 18:36.

 Ɲanmiɛn Sielɛ’n wá sín klɔ sran’m be awa’m be osu.

  •   Biblu’n waan: “Sielɛ sɔ’n [...] ɔ́ núnkun [klɔ sran’m be] famiɛn diwlɛ kwlaa sɔ mun,ɔ́ yó maan be su tranman lɛ kun, kpɛkun i ngunmin ká lɛ tititi.—Daniɛli 2:44.

 Zezi Klisi ti Ɲanmiɛn Sielɛ’n i su Famiɛn. Sielɛ sɔ’n su nunnunman le.

  •   Biblu’n se kɛ: “I kwlalɛ liɛ’n wo lɛ tititi, ɔ su wieman le. Yɛ i famiɛn diwlɛ’n su nunnunman le.”Daniɛli 7:13, 14.

 Ɲanmiɛn Sielɛ’n ti’n, sran’m bé dí fɔundi asiɛ’n su.

  •   Biblu’n se kɛ: “Sran’m bé dí vinyi fie nin be olivie fie fɔuun, sran fi su wla-man be nyin nglo-nglo kun.”Mise 4:4, Nyanmiɛn Ndɛ’n.

Suan Ɲanmiɛn Sielɛ’n i su like

 I nun nga Zezi o asiɛ’n su wa’n, ɔ tuli i klun ‘boli Ɲanmiɛn Sielɛ’n i jasin fɛ’n.’ (Matie 9:35) Ɔ seli kɛ:

  •   “Bé wá bó Ɲanmiɛn Sielɛ’n i jasin fɛ nga asiɛ wunmuan’n su, naan be ti i nvlenvle’m be kwlaa be nun. I sin yɛ mɛn’n wíe-ɔ.”—Matie 24:14.

 Andɛ’n, sran’m be ti Ɲanmiɛn Sielɛ’n i jasin fɛ’n nvle nin lika ya nɲɔn ablanan (240) tra su be nun. É wlá ɔ fanngan kɛ a suan Ɲanmiɛn Sielɛ’n i su like. I liɛ’n, á sí wafa nga a kwla ɲan su ye’n.

 É wlá ɔ fanngan kɛ a nian video nga: ?Ngue yɛ be flɛ i Ɲanmiɛn Sielɛ’n niɔn?