Kɔ i nun ndɛ'n su trele

Kɔ like ng'ɔ o fluwa'n nun'n su trele

LIKE NGA KLISIFUƐ’M BE YO’N

Be di junman kekle kpa naan b’a uka e

Be di junman kekle kpa naan b’a uka e

Akpasua sunianfuɛ mun nin be yi’m be tu be klun be kle kɛ be klo aniaan nga be ko nian be osu’n. Be ti kɛ e sa, ɔ maan ɔ ju wie’n be mian ninnge wie’m be wun. Asa’n, afɛ’n kwla tin be su, be sa sin kwla bubu be yɛ be kwla koko. (Zak 5: 17) Ɔ nin i sɔ’n ngba’n, lemɔcuɛ kwlaa’n be mian be ɲin be wla aniaan nga be ko nian be osu’n be fanngan. Nanwlɛ, ɔ fata kɛ e “ɲin yi be kpa.”—1Ti 5:17.

Akoto Pɔlu siesieli i wun naan ɔ́ kó nían asɔnun ng’ɔ o Rɔmun lɔ’n i osu naan ɔ́ ‘úka aniaan mun naan be nin Ɲanmiɛn be afiɛn mantan kpa.’ Kpɛkun ɔ kunndɛli kɛ ɔ nin aniaan’m ‘be wla be wun fanngan.’ (Rɔm 1:11, 12) Atrɛkpa’n amun akpasua sunianfuɛ’n le bla annzɛ ɔ leman bla. ?I kwlaa yoli-o, amun a bu like nga amun kwla yo naan amun a wla be fanngan’n i akunndan?

AN NIAN VIDEO NGA BE FLƐ I KƐ AKPASUA SU NIANLƐ JUNMAN’N I DILƐ KLƆ KANNGAN’M BE SU’N. I SIN’N, AN TƐ KOSAN NGA’M BE SU:

  • ?Ngue yɛ ɔ kle kɛ akpasua sunianfuɛ mun nin be yi’m be klo aniaan mun-ɔn?

  • ?Akpasua sunianfuɛ nin i yi’n b’a uka amun le?

  • ?Wafa sɛ yɛ e kwla wla be fanngan-ɔn?