Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Utu 2016

 ƝANMIƐN NDƐ’N NUN NINNGE KPAKPA WIE MUN | JUE MUN 87–91

Fia Ɲanmiɛn mɔ like fi nunmɛn i sin’n, i sin titi

Fia Ɲanmiɛn mɔ like fi nunmɛn i sin’n, i sin titi

Be nga be fia Zoova “i sin’n,” i sulɛ nun yɛ ɔ sasa be ɔ

91:1, 2, 9-14

  • Andɛ’n, be nga be kunndɛ kɛ bé fía Zoova i sin titi’n, ɔ fata kɛ be fa be wun be mɛn i yɛ be yo be batɛmu.

  • Be nga be faman be wla guaman Ɲanmiɛn su’n, be siman kɛ sran kwla fia Ɲanmiɛn i sin.

  • Be nga be fia Zoova i sin’n, ɔ sasa be. Ɔ maan like fi yɛ sran fi kwlá yoman naan b’a yaci i sulafilɛ nin i klolɛ.

Anunman trafuɛ’n sua e wun aya

91:3

  • Anunman’m be sasa be wun ti’n, be tralɛ leman ba.

  • Kɛ anunman kun i ayeliɛ’n fa ti’n, i su aya yɛ anunman trafuɛ’n sua ɔ.

  • Satan m’ɔ ti kɛ anunman trafuɛ sa’n, ɔ nian ninnge nga Zoova i sufuɛ’m be yo’n, be su kpa. Kpɛkun aya ng’ɔ si kɛ sɛ be tɔ nun ɔn, be nin Zoova be afiɛn sáci’n yɛ ɔ sua ɔ.

Satan i aya nnan mɔ be tra kpa’n:

  • Sran srolɛ

  • Aɲanbeun ninnge mun

  • Ninnge tɛtɛ mɔ be fa yiyi be yi su’n

  • Sa kanngan nga be tɔ e afiɛn’n