Kɛ nga Ɲanmiɛn nuan ijɔfuɛ Ezai fa kannin’n sa’n, Zoova i anuannzɛ’n i bue ng’ɔ o asiɛ’n su wa’n, wa wɔ i ɲrun kpa w’a tra laa’n. (Eza 54:2) I ti’n, ɔ fata kɛ e kplan Ɲanmiɛn Sielɛ Sua mun nin aɲia dandan yowlɛ mun ɔ nin Betɛli mun. Kɛ be ko kplan Ɲanmiɛn sulɛ sua sɔ mun’n, ɔ fata kɛ e nian be lika yɛ e siesie wie’m be ye. ?Wafa sɛ yɛ e kwla fa e blɛ’n nin e wunmiɛn’n e suan junman sɔ’n i bo-ɔ?

• Sɛ e jasin bolɛ akpasua yɛ ɔ fata ɔ yo Ɲanmiɛn Sielɛ Sua’n i yɛinyɛin’n, maan e fa e wun e wlɛ i junman sɔ’n i dilɛ’n nun wie.

• E klunklo su e kwla se kɛ be kle e wafa nga e kwla nian e Ɲanmiɛn Sielɛ Sua’n i lika’n.

• E kwla klɛ e dunman fluwa nga be flɛ i kɛ Demande d’admission comme volontaire local développement/construction (DC-50) su. I liɛ’n, sɛ be su kplan Ɲanmiɛn sulɛ sua annzɛ be su siesie wie ye e asa’n su’n, be kwla se e kɛ e ko di junman.

• E kwla klɛ e dunman fluwa nga be flɛ i kɛ Demande d’admission comme volontaire (A-19) su. I liɛ’n, e kwla fa lemɔcuɛ kun annzɛ kun tra su ko di junman Betɛli ng’ɔ o e asa’n su annzɛ Betɛli uflɛ nun.

AN NIAN VIDEO NGA BE FLƐ I KƐ BE SU WA KPLAN ƝANMIƐN JUNMAN DILƐ SUA UFLƐUFLƐ KUN: I BUE KAN. I SIN’N AN TƐ KOSAN NGA’M BE SU:

• ?Ngue ti yɛ kɛ ɔ fɛ i afuɛ 2014 nun lele andɛ’n, Anuannzɛ’n yi video kaka tra laa-ɔ?

• ?Kɛ ɔ ko yo naan y’a kwla ɲan video mun naan y’a su Ɲanmiɛn’n, ajalɛ benin yɛ Anuannzɛ’n fali-ɔ? ?Afuɛ benin nun yɛ junman’n bó i bo-ɔ, yɛ afuɛ benin nun yɛ ɔ́ wíe-ɔ?

• ?Kɛ bé wá bó junman sɔ’n i dilɛ bo’n, ngue ti yɛ bé mían aniaan’m be wun-ɔn?

• ?Sɛ an kunndɛ kɛ amún dí junman Ramapo lɔ wie’n, ngue ti yɛ ɔ ti cinnjin kɛ an klɛ amun dunman fluwa Demande d’admission comme volontaire local développement/construction (DC-50) su-ɔ? ?Yɛ ngue ti yɛ ɔ fata kɛ amun tran lika sɔ’n i wun koko-ɔ?

• ?Kɛ ɔ fɛ i bo bolɛ nun’n, ngue yɛ ɔ kle kɛ Zoova yɛ ɔ siesie ninnge mun-ɔn?

• ?Sɛ e kwlá kɔman lɔ naan y’a ko di junman wie’n, ngue yɛ e kwla yo naan y’a suan junman sɔ’n i bo-ɔ?