Zoova kunndɛ kɛ e su i klolɛ su. (Mt 22:37, 38) Sɛ Biblu’n nun like suanfuɛ’m be klo Zoova’n i sɔ’n úka be naan b’a kaci be sa naan kusu b’a jran yalɛ klelɛ’n i ɲrun kekle. (1Zn 5:3) Klolɛ mɔ be klo Ɲanmiɛn’n yɛ ɔ́ sú be bo naan b’a yo be batɛmun-ɔn.

Maan e uka Biblu’n nun like suanfuɛ mun naan be wun i wlɛ kɛ Ɲanmiɛn klo be. I lɛ nun’n, e kwla usa be kɛ: “?Ngue yɛ i sɔ’n kle wɔ Zoova su-ɔ?” annzɛ “?Wafa sɛ yɛ i sɔ’n kle kɛ Zoova klo wɔ-ɔ?” Maan e uka be naan be wun wafa nga Zoova uka be’n i wlɛ. (2Nyo 16:9) Wafa nga Zoova tɛli e srɛlɛ’n su’n maan e kɛn i ndɛ e kle be, yɛ maan e wla be fanngan naan be sie wafa nga Zoova tɛ be srɛlɛ’n su’n i nzɔliɛ wie. Kɛ é wá wún kɛ be nga e kle be Biblu’n nun like’n be sie i nzɔliɛ kɛ Zoova klo be mɔ kusu be kle kɛ be klo i wie naan bé káci i janvuɛ’n, i sɔ’n yó e fɛ dan.

AN NIAN VIDEO NGA BE FLƐ I KƐ MAAN E UKA BIBLU’N NUN LIKE SUANFUƐ MUN NAAN BE FA BE WUN MANTAN ZOOVA KPA. I SIN’N, AN TƐ KOSAN NGA’M BE SU:

• ?Ngue yɛ ɔ kleli Jadi i yalɛ-ɔ?

• ?Wafa sɛ yɛ Neta ukali Jadi-ɔ?

• ?Ngue yɛ ɔ ukali Jadi naan w’a wun sa sɔ’n i trawlɛ-ɔ?