Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Mɛ 2016

 LIKE NGA KLISTFUƐ’M BE YO’N

?Amun fa JW Library be di junman?

?Amun fa JW Library be di junman?

JW Library ti like kun m’ɔ uka e naan y’a kwla fa Biblu’n, nin fluwa mun, nin video mun, nin ndɛ nga be kwla tie be mun y’a sie i telefɔnu, annzɛ tablɛti, annzɛ ɔrdinatɛli nun.

LIKE NGA Á YÓ NAAN W’A KWLA ƝAN WIE’N: Kɔ ɛntɛnɛti su naan fa JW Library fa sie i ɔ telefɔnu’n nun. Be kwla fa sie i telefɔnu fanunfanun su. Kɛ a o ɛntɛnɛti su’n, tike JW Library su naan fa like kwlaa nga a klo kɛ á fá síe i ɔ telefɔnu nun’n fa sie nun. Sɛ a kwla ɲanman ɛntɛnɛti ɔ awlo lɔ’n, a kwla kɔ Ɲanmiɛn Sielɛ Sua’n nun lɔ, annzɛ fluwa siewlɛ dandan’m be nun kun nun, annzɛ sibɛ kafe kun i wun kokolɛ. Kɛ a ko fa like kun ko sie i ɔ telefɔnu nun’n, kannzɛ ɛntɛnɛti nunman lɛ’n a kwla fa di junman. Kɛ mɔ blɛ sunman be kacikaci JW Library i nun ninnge kanngan wie mun ti’n, ɔ fata kɛ cɛn kunngun a wɔ ɛntɛnɛti su naan a ko fa i siesielɛ uflɛuflɛ sɔ’n.

LIKE NGA TI YƐ Ɔ TI CINNJIN KƐ A ƝAN WIE: Kɛ e fa JW Library e sie i e telefɔnu nun mɔ e fa suan Biblu’n nun like’n, annzɛ e fa kɔ aɲia’m be bo’n, i nun junman dilɛ’n yo fɛ kpa. Asa ekun’n, ɔ uka e kpa jasin fɛ bolɛ nun. I li kɛ é bó jasin fɛ nga b’a siesieman’n yɛ ɔ kwla uka kpa’n niɔn.