LIKE NGA KLISIFUƐ’M BE YO’N
?Ngue su yɛ ndɛ nga be o jue uflɛ’m be nun’n be fa e ɲin sie-ɔ?
?Jue uflɛ’m be nun’n, beninfuɛ mun yɛ a klo be kpa-ɔ? ?Yɛ ngue ti-ɔ? Jue uflɛ sɔ’m be su video’m be yi sa nga be ju e su aliɛ ba kwlaa nun’n be nglo. ?A sieli i sɔ liɛ’n i nzɔliɛ? Jue uflɛ sɔ’m be nun’n, be kan sa fanunfanun be ndɛ, yɛ be miziki’n ti wafawafa. I sɔ’n ti’n, ɔ le sran kun nin i liɛ m’ɔ klo i-ɔ. Sanngɛ jue uflɛ sɔ mun nin be su video’m be timan be ɲin su yiyilɛ ngunmin.
Maan ɔ yo jasin fɛ bolɛ’n nun-o annzɛ like uflɛ nun-o, jue uflɛ sɔ’m be kle e ajalɛ trele wie mun. I wie yɛle kɛ e sɔ e wiengu nun, e tra e niaan’m be janvuɛ, e bo yo kun, e yo yakpafuɛ, e klo e wun yɛ e lafi Ɲanmiɛn su. I wie ekun yɛle kɛ be nga be kpɔcili Zoova’n be sa be sin Zoova wun ekun, e yaci e wiengu’m be wun sa’n e cɛ be, e nin Zoova e nanti klanman titi, yɛ e fa Ɲanmiɛn junman wie mun e sie e ɲrun kɛ é dí. Asa ekun’n, be nun kun kle e kɛ e nian e wun su naan pɔɔtablu’n w’a faman e blɛ ngba. ?Ajalɛ trele benin ekun yɛ ndɛ nga be o jue uflɛ sɔ’m be nun’n be kleli wɔ-ɔ?
AN NIAN JUE NGA BE FLƐ I KƐ WLA MIN YAKPA I SU VIDEO’N. I SIN’N, AN TƐ KOSAN NGA’M BE SU:
