I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

KLISTFUƐ MUN NIN BE JUNMAN’N—AƝIA FLUWA DESAMBLU 2016

 LIKE NGA KLISTFUƐ’M BE YO’N

Like nga Ɲanmiɛn kle e ti’n, e buman sran wie kpa traman wie

Like nga Ɲanmiɛn kle e ti’n, e buman sran wie kpa traman wie

Zoova kpaman sran nun. (Yo 10:34, 35) Ɔ sɔ sran ngba nun. Be ng’ɔ sɔ be nun’n, “be fin mɛnmɛn’n kwlaa nin nvle-nvle’n kwlaa nun, sran wafa-wafa’n kwlaa o be nun, be ijɔ aniɛn wafa-wafa’n kwlaa.” (Ng 7:9) I sɔ’n ti’n, Klistfuɛ’m be buman be nian Klistfuɛ wie kpa traman wie. (Za 2:1-4) É lá Ɲanmiɛn i ase. Afin like ng’ɔ kle e’n kaci e nzuɛn’n i dan ti’n, kɛ e nin e niaan mun e wo’n, ɔ ti kɛ asiɛ’n w’a kaci mɛn klanman naan e nin be o mɛn sɔ’n nun sa. (Eza 11:6-9) Kɛ e mian e ɲin e wla sran nun kpalɛ ayeliɛ ng’ɔ o e nun’n i ase’n, e kle kɛ like nga Ɲanmiɛn yo’n i wie yɛ e yo-ɔ.Ef 5:1, 2.

AMUN NIAN VIDEO JONI NIN ZEDEƆN: LAA BE KPƆ BE WIENGU, SIƐN’N BE TRAN ANIAAN TRANLƐ. I SIN’N, AN TƐ KOSAN NGA’M BE SU:

  • ?Ngue ti yɛ like nga Ɲanmiɛn kle’n i kpa tra sran’m be ɲin mɔ be mian be uka sran mun naan b’a buman sran wie kpa b’a traman wie naan kusu b’a kpaman sran nun-ɔn?

  • ?Kɛ a bu wafa nga e nin e niaan mɔ be o mɛn wunmuan nun’n e tran’n i akunndan’n, ngue yɛ ɔ yo ɔ klanman kpa-ɔ?

  • ?Kɛ e nin e niaan Klistfuɛ mun e tran aniaan tranlɛ titi’n, wafa sɛ yɛ i sɔ’n manman Zoova-ɔ?