I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

KLISTFUƐ MUN NIN BE JUNMAN’N—AƝIA FLUWA DESAMBLU 2016

 LIKE NGA KLISTFUƐ’M BE YO’N

“Min-ɔn, sunman min”

“Min-ɔn, sunman min”

Ezai siman junman kun mɔ i dilɛ tɔli cinnjin kpa’n i ɲrun nin sin ngba, sanngɛ ɔ lafili Ɲanmiɛn su, yɛ i klunklo su’n, ɔ ka lɛ kplinnin su kɛ ɔ́ kó dí junman sɔ’n. I lɛ nun’n, ɔ kle e ajalɛ kpa mɔ e kwla nian su-ɔ. (Eza 6:8) ?A kwla siesie ɔ wun naan w’a ɔ lika nga be mian jasin bofuɛ’m be wun lɔ’n nun? (Ju 110:3) I yo, ka naan w’a ɔ lɔ’n, ɔ ti cinnjin kɛ a ‘bu ɔ sika’n nian.’ (Lk 14:27, 28) Sanngɛ, sɛ jasin fɛ’n bolɛ’n ti a yaci ninnge wie’m be yolɛ’n, i sɔ’n timan afɛ ngbɛn. (Mt 8:20; Mr 10:28-30) Kɛ nga e fa wunnin i video Lika nga be mian jasin bofuɛ’m be wun lɔ’n, lɔ ko tranlɛ i nun sa’n, suyralɛ nga e ɲɛn i Zoova i sulɛ nun’n, ɔ sɔnnin tra ninnge nga e yacili be’n, be leleele.

SƐ AMUN WIE VIDEO’N NIAN, AMUN TƐ KOSAN YƐ’M BE SU:

  • ?Ninnge benin mun yɛ Wiliamun nin i awlobofuɛ’m be tinuntinun be kpɔcili be annzɛ be yacili be yolɛ naan b’a kwla ko bo jasin fɛ’n Ekuatɛɛ lɔ-ɔ?

  • ?Ka naan b’a kle lika nga bé kɔ́’n, ninnge benin wie mun yɛ be buli be akunndan-ɔn?

  • ?I su mmlusuɛ benin mun yɛ be ɲɛnnin i-ɔ?

  • ?Ajalɛ nga aniaan’m be tu mɔ be ko bo jasin fɛ’n lika nga be mian jasin bofuɛ’m be wun lɔ’n nun’n, sɛ e waan é sí i su ndɛ kpanngban’n, ngue yɛ e kwla yo-ɔ?

KƐ AMÚN WÁ SÚ ƝANMIƐN AWLO LƆ’N, AMUN KOKO KOSAN YƐ’M BE SU YALƐ:

  • ?Wafa sɛ yɛ e awlobo kwla ukɛ i jasin fɛ bolɛ’n junman’n su-ɔ? (km 8/11 4-6)

  • ?Sɛ e kwlá kɔman kan be mian jasin bofuɛ’m be wun lɔ’n, wafa sɛ yɛ e kwla uka e asɔnun’n niɔn? (w16.03-F 23-25)