4:16-18

Maan ɔ yo e kɛ awlobo nɲɔn be o sua kun nun sa. Yɛ sua sɔ’n, ɔ cɛ kan’n ɔ́ bú gúa. Awlobo kun liɛ’n, i nunfuɛ’m be wla w’a bo be wun. Sanngɛ kun liɛ’n, i nunfuɛ’m be klun ti jɔwa. ?Ngue ti yɛ be liɛ’n, be klun ti jɔwa-ɔ? Afin ɔ ka kan’n, bé tú kó trán sua uflɛ nun.

“E si kɛ lele nin andɛ’n, ninnge nga Ɲanmiɛn yili be’n, be kwlaa be fɛfɛ, yɛ be kwlaa be wun ɲrɛnnɛn” sanngɛ Ɲanmiɛn i sufuɛ’m be liɛ’n, be wla o like kun su. I ti’n, be wla gua ase. (Rɔm 8:22) E si kɛ ɲrɛnnɛn nga e wun i andɛ’n, ɔ o e su w’a cɛ. Sanngɛ sɛ e fa sunnzun fɔundi nga é dí i mɛn klanman nun lɔ’n, e kwla se kɛ ɲrɛnnɛn nga e wun i andɛ’n, ɔ “su cɛman, yɛ ɔ ti kaan sa.” Sɛ e ɲin tran ye nga Ɲanmiɛn i Famiɛn dilɛ’n mán e’n su’n, i sɔ’n úka e naan e wla w’a gua ase naan kusu e sa sin w’a bubuman e.