Klisifuɛ klikli’m be yili be sran klolɛ’n i nglo be niaan’m be lika. E kusu ɔ fata kɛ e yo sɔ wie. I li e niaan nga sanvuɛsa w’a ɲan be’n, be yɛ ɔ fata kɛ e uka be kpa-ɔ. (Zn 13:34, 35) An nian video nga be flɛ i kɛ Klolɛ’n i nglo yilɛ: Irlandi lɔ’n, e suannin aniaan nga sanvuɛsa ɲannin be’n, be bo. Kpɛkun an sie wafa nga aniaan’m be ukali e niaan nga be o Karaibu lɔ’n, i nzɔliɛ. I sin’n an tɛ kosan nga’m be su:

• ?Wafa sɛ yɛ seke dan nga be flɛ be kɛ Irma nin Mari’n be kleli e niaan nga be o Karaibu lɔ’n be yalɛ-ɔ?

• ?Wafa sɛ yɛ Zoova sinnin e niaan’m be lika ukali aniaan nga sanvuɛsa ɲannin be Karaibu lɔ’n niɔn?

• ?Kɛ Karaibu lɔ aniaan’m be wunnin kɛ be niaan’m be klo be’n, wafa sɛ yɛ be wun yoli be-ɔ?

• ?Aniaan nɲɛ yɛ be ko suannin Karaibu lɔ aniaan’m be bo-ɔ?

• ?Wafa sɛ yɛ e ngba e kwla wla e wun ase e uka e niaan mun-ɔn?

• ?Kɛ amun niannin video’n, wafa sɛ yɛ amun wun yo amun-ɔn?