ƝANMIƐN NDƐ’N NUN NINNGE KPAKPA WIE MUN | LIK 10–11
Samari bian kpa’n i wun ɲanndra’n
Bian kun usali Zezi kɛ: “?Wan yɛ ɔ ti n wiengu nin-ɔn?” (Lik 10:25-29) Kɛ Zezi tɛ́ i su’n, yɛ ɔ buli Samari bian kpa’n i wun ɲanndra’n niɔn. Zezi si kɛ ‘sran wafawafa kwlaa’ bé wá káci Klistfuɛ, i Samarifuɛ o, i be nga be timan Zuifu o. (Zn 12:32) Ɲanndra sɔ’n kleli i sɔnnzɔnfuɛ mun kɛ ɔ fata kɛ be mian be ɲin kpa naan be klo sran kɛ ng’ɔ nin i fata’n. Ɔ fata kɛ be klo be nga be nin be timan kun mlɔnmlɔn’n be wie.
USA Ɔ WUN KƐ:
-
‘?Wafa sɛ yɛ n bu aniaan nga e nin be e ninnge yolɛ wafa’n, nin e aniɛn’n be timan kun’n mun-ɔn?’
-
‘?Be nga min nin be e ninnge yolɛ wafa’n ti kun’n, be yɛ min nin be e san nun dan-ɔn?’
-
‘?Min wiengu Klistfuɛ nga e nin be e finwlɛ’n timan kun’n, annzɛ b’a suanman ninnge kunngba nga n suannin be laa’n, n kwla tu n klun n klo be kpa?’ (2Ko 6:13)
?Wan yɛ ń kwlá yíɛ i naan...
-
e ko bo jasin fɛ-ɔ?
-
ɔ bla min awlo wa naan e di like likawlɛ-ɔ?
-
ainman sin’n ɔ bla naan ɔ nin e su Ɲanmiɛn likawlɛ awlo wa-ɔ?
