Kɔ i nun ndɛ'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Kle aniɛn'n Wawle

 LIKE NGA KLISTFUƐ’M BE YO’N

Ɔ ti cinnjin kɛ e bo jasin fɛ’n, yɛ e kle sran’m be like naan b’a kwla kaci Zezi i sɔnnzɔnfuɛ

Ɔ ti cinnjin kɛ e bo jasin fɛ’n, yɛ e kle sran’m be like naan b’a kwla kaci Zezi i sɔnnzɔnfuɛ

Zezi sunmɛnnin i sɔnnzɔnfuɛ’m be kɛ be ko uka sran mun naan be kaci i sɔnnzɔnfuɛ. (Mt 28:19) I sɔ yolɛ nun’n, ɔ fata kɛ be bo jasin fɛ’n kpɛkun be kle sran’m be like. Ɔ maan ɔ ju wie’n, ɔ fata kɛ e tinuntinun e usa e wun kɛ: ‘?Ninnge cinnjin nɲɔn sɔ’n m’ɔ fata kɛ e yo naan sran’m b’a kaci Zezi i sɔnnzɔnfuɛ’n, ń yó sɛ naan m’an si be yo m’an tra laa?’

JASIN FƐ’N BOLƐ

Kɛ ɔ yo naan e tran lɛ e minndɛ sran mun’n, maan e bɔbɔ e wla e wun ase e kunndɛ sran “kpa” mun. (Mt 10:11) Kɛ é bó jasin fɛ’n, nán e sisi e bo naan y’a bo jasin fɛ’n y’a kle ‘be mɔ e nin be e yia’ atin’n nun’n. (Yo 17:17) I sɔ yɛ akoto Pɔlu yoli-ɔ. I ti’n, Lidi kacili Zezi i sɔnnzɔnfuɛ.—Yo 16:13-15.

‘Lua ɔ ninnge mun nglɛmun nun lele fa ju nnɔsua nun, nán lo wunmiɛn.’ (Ak 11:6)

AN NIAN VIDEO NÁN E ‘YACI’ JASIN FƐ’N I BOLƐ: JASIN FƐ’N BOLƐ NGA ASƆNUN’N W’A SIESIEMAN’N, Ɔ NIN AWLOAWLO’M BE NUN. I SIN’N, AN TƐ KOSAN NGA’M BE SU:

  • ?Wafa sɛ yɛ blɛ kwlaa nun’n, Samiɛli kleli titi kɛ ɔ kunndɛ jasin fɛ’n bolɛ’n i wun atin-ɔn?

  • ?Ngue ti yɛ ɔ fata kɛ e mian e ɲin naan e bo jasin fɛ’n i wafa kwlaa tititi-ɔ?

  • ?Blɛ kwlaa nun’n, wan mun yɛ a kwla bo Ɲanmiɛn Sielɛ’n i jasin fɛ’n e kle be-ɔ?

LIKE KLELƐ

Sɛ e waan é úka sran mun naan be kaci Zezi i sɔnnzɔnfuɛ’n, nán fluwa ngbɛn sa yɛ ɔ fata kɛ e fa man be-ɔ.Sanngɛ ɔ fata kɛ e ko nian be osu, yɛ e kle be Biblu’n nun like naan b’a kwla ɔ be ɲrun Ɲanmiɛn i sulɛ’n nun.(1Ko 3:6-9) ?Yɛ sɛ e wla e wun ase e kle sran kun i like sanngɛ ɔ kɔmɛn i ɲrun kɛ ɔ nin i fata’n sa’n nin? (Mt 13:19-22) Kannzɛ ɔ ti sɔ’n, nán e yaci be nga be awlɛn ti kɛ “asiɛ kpa” sa’n, be kunndɛlɛ le.—Mt 13:23; Yo 13:48.

“Sɛ ɔ ti waka-a, min yɛ n tali-ɔ, Apolɔs kusu yɛ ɔ guali su nzue-ɔ, sanngɛ Nyanmiɛn yɛ maan ɔ yoli kpa-a.” (1Ko 3:6)

AN NIAN VIDEO NÁN E ‘YACI’ JASIN FƐ’N I BOLƐ: NZRA NUN, YƐ E UKA SRAN MUN NAAN BE KACI ZEZI I SƆNNZƆNFUƐ.I SIN’N, AN TƐ KOSAN NGA’M BE SU:

  • Sɛ é kwlá sé’n, ndɛ nanwlɛ’n i mma’n wo Ezekiɛli nin Abigaili be awlɛn’n nun. ?Wafa sɛ yɛ Salomɔn nin Mali be guali su nzue-ɔ?

  • ?Jasin fɛ bolɛ wafa kwlaa nun’n, maan ɔ yo nzra nun jasin fɛ’n bolɛ’n bɔbɔ o, ngue yɛ ɔ fata kɛ e fua kpa kɛ é yó-ɔ?

  • ?Wafa sɛ yɛ e kwla fa e ɲin sie i sran’m be ndɛ nanwlɛ’n i klelɛ’n su kpa-ɔ?