I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

KLISTFUƐ MUN NIN BE JUNMAN’N—AƝIA FLUWA ZANVIE 2017

 ƝANMIƐN NDƐ’N NUN NINNGE KPAKPA WIE MUN | EZAI 34–37

Ezekiasi ɲɛnnin i Ɲanmiɛn sulafilɛ’n i nuan like

Ezekiasi ɲɛnnin i Ɲanmiɛn sulafilɛ’n i nuan like

Asiri Famiɛn Sankeribu sunmɛnnin i safuɲrɛn’n Zerizalɛmun lɔ naan ɔ ko se klɔfuɛ’m be kɛ be fa be wun be mɛn i. Asirifuɛ’m be kannin ndɛ fanunfanun kleli Zuifu mun naan be sa sin bubu be naan be nin be a kunman alɛ.

  • Be leman ukafuɛ. Ezipti su kwlá suanman amun bo.—Eza 36:6

  • Be sanngannin be akunndan’n. Zoova su kunman amun ti alɛ, afin w’a fa amun wun ya.—Eza 36:7, 10

  • Be wlanwlannin be. Amun su kwlá jranman Asiri sonja mɔ be si alɛ kun kpa’n be ɲrun.—Eza 36:8, 9

  • Be sali be niannin. Sɛ amun fa amun wun man Asirifuɛ mun amun liɛ yó ye trá nga amun fa o nun lɛ’n.—Eza 36:16, 17

Ezekiasi kleli kɛ ɔ lafi Zoova su tankaan kpa

37:1, 2, 14-20, 36

  • Ɔ yoli like kwlaa ng’ɔ kwla yo naan sɛ be kpɔfuɛ’m be sin yia klɔ’n, b’a fite nun.

  • Ɔ srɛli Zoova kɛ ɔ de be, kpɛkun ɔ yoli maan klɔfuɛ’m be lafili Zoova

  • Ɔ ɲɛnnin i Ɲanmiɛn sulafilɛ’n i nuan like. Yɛle kɛ, le kun kɔnguɛ’n, Zoova sunmɛnnin i anzi kun, ɔ wa kunnin Asiri sonja 185.000.