Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Utu 2017

 LIKE NGA KLISTFUƐ’M BE YO’N

Maan e kle kɛ e ti Ɲanmiɛn sran: E yo yakpa

Maan e kle kɛ e ti Ɲanmiɛn sran: E yo yakpa

?NGUE TI YƐ Ɔ TI CINNJIN-ƆN?

  • Sɛ e timan yakpa’n, e su kwlá boman jasin fɛ’n.—Yo 5:27-29, 41, 42

  • Sɛ e timan yakpa’n, e su kwlá jranman ɲrɛnnɛn dan’n nun sa’m be ɲrun kekle.—Mt 24:15-21

  • Srɛ m’ɔ kun be sran wun’n, i bo guaman kpa.—Ze 38:17-20; 39:4-7

?WAFA SƐ YƐ É YÓ I SƆ-Ɔ?

  • Maan e bu sa nga Zoova yoli be deli sran wie mun’n, be su akunndan.—Tu 14:13

  • Maan e srɛ Zoova naan ɔ man e awlɛn naan e yo yakpa.—Yo 4:29, 31

  • Maan e fa e wla gua Zoova su.—Ju 118:6

?Jasin fɛ’n i bolɛ nun’n, ninnge benin mun yɛ be kun min srɛ mɔ be ti’n, ɔ fata kɛ n yo yakpa-ɔ?

AN NIAN VIDEO MAAN E NIN ƝANMIƐN NANTI TITI: NÁN E YO SRONGBLE. I SIN’N, AN TƐ KOSAN NGA’M BE SU:

  • ?Ngue ti yɛ kɛ é bó jasin fɛ’n, ɔ ti cinnjin kɛ e yo yakpa-ɔ?

  • ?Nzuɛn nɲɔn nga Nyanndra Mun 29:25 kan be ndɛ’n, ngbaciɛ benin yɛ o be afiɛn-ɔn?

  • ?Ngue ti yɛ dɔ nga su yɛ ɔ fata kɛ e yo yakpa-ɔ?