Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Jasin bofuɛ’m be su fa fluwa Jasin fɛ bé bó jasin fɛ’n Azɛɛbaijan lɔ.

KLISTFUƐ MUN NIN BE JUNMAN’N—AƝIA FLUWA Utu 2017

Ajalɛ nga e kwla fa’n

Ajalɛ nga é fá naan y’a fa Sasafuɛ Tranwlɛ’n y’a man’n, nin wafa nga e kwla kan sa nga ti yɛ Ɲanmiɛn yili sran mun’n, i su ndɛ nanwlɛ’n. Nian be su klɛ ɔ liɛ.

ƝANMIƐN NDƐ’N NUN NINNGE KPAKPA WIE MUN

Zoova yoli nvle kun mɔ i nunfuɛ’m be sumɛn i’n, be mo

Babilɔninfuɛ’m be sin yiali Tiri klɔ’n afuɛ lele 13. I sin’n, Zoova yoli be mo. ?Wafa sɛ yɛ Zoova kle kɛ ɔ bu e ɲin mɔ e mian’n, nin sulɛ mɔ e su i’n, be like dan-ɔn?

LIKE NGA KLISTFUƐ’M BE YO’N

Maan e kle kɛ e ti Ɲanmiɛn sran: E kan e wun ase

?Ngue ti yɛ e wun ase kanlɛ’n ti cinnjin-ɔn? ?Wafa sɛ yɛ é yó i sɔ-ɔ? ?Wafa sɛ yɛ Ɲanmiɛn srɛlɛ’n nin Zezi i ajalɛ’n be uka e naan y’a kan e wun ase-ɔ?

ƝANMIƐN NDƐ’N NUN NINNGE KPAKPA WIE MUN

Gladi dilɛ junman’n timan junman kaan

Sɛ sa wie su ba’n, ɔ fata kɛ gladi difuɛ’n bo i jɔ kle klɔ’n sufuɛ mun. Zoova sieli Ezekiɛli kɛ gladi difuɛ sa Izraɛlfuɛ’m be jɔ bolɛ’n ti. ?Ngue ti yɛ ɔ yoli sɔ-ɔ?

LIKE NGA KLISTFUƐ’M BE YO’N

Maan e kle kɛ e ti Ɲanmiɛn sran: E yo yakpa

?É yó sɛ naan y’a yoman srongble? ?Wafa sɛ yɛ Ɲanmiɛn ndɛ’n i su akunndan bulɛ’n, nin srɛlɛ’n, nin e wla mɔ e fa gua Zoova su’n, be uka e naan y’a yo yakpa-ɔ?

ƝANMIƐN NDƐ’N NUN NINNGE KPAKPA WIE MUN

Ɔ ka kan’n, bé núnnún Gɔgu m’ɔ fin Magɔgu’n

Ka naan b’a nunnun Gɔgu m’ɔ fin Magɔgu’n, sa nga bé jú’n, Biblu’n yiyi be nun. Kpɛkun kɛ be ko nunnun i’n, i sin sa nga bé jú’n, Biblu’n yiyi be nun wie.

LIKE NGA KLISTFUƐ’M BE YO’N

Maan e kle kɛ e ti Ɲanmiɛn sran: E lafi Ɲanmiɛn su

Kɛ Abraamun sa’n, ɔ fata kɛ blɛ kekle nun bɔbɔ’n, e lafi Ɲanmiɛn Zoova su. ?É yó sɛ naan y’a lafi Ɲanmiɛn su tankaan kpa naan e nin i y’a nanti titi?

ƝANMIƐN NDƐ’N NUN NINNGE KPAKPA WIE MUN

?Ngue yɛ like nga Ezekiɛli wunnin i aolia nun’n, ɔ kle wɔ-ɔ?

Ɲanmiɛn i sua nga Ezekiɛli wunnin i aolia nun’n ti’n e wla kpɛn su kɛ mmla wie fi i kpa toman Zoova i mmla mun. ?Ngue yɛ aolia nun like nga Ezekiɛli wunnin i’n su e bo kɛ e yo-ɔ?

LIKE NGA KLISTFUƐ’M BE YO’N

?Anglo benin’m be nun yɛ n kwla yo cɛn kunngun atin bofuɛ ekun-ɔn?

Wafa kpa kun nga e kwla e manman Ɲanmiɛn e lɛ i ase’n, yɛle cɛn kunngun atin bolɛ junman’n i dilɛ. ?A kwla yo sɔ wie fa uka dɔ nga a fa bo jasin fɛ’n su?