Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Mɛ 2017

 ƝANMIƐN NDƐ’N NUN NINNGE KPAKPA WIE MUN | ZEREMI 44–48

“Nán kunndɛ pɔɔ nun tranlɛ”

“Nán kunndɛ pɔɔ nun tranlɛ”

45:2-5

Kɛ e niɛn i sa’n, Bariki yoli famiɛn’n i awlo lɔ junman difuɛ kun m’ɔ si fluwa-ɔ. Kannzɛ ɔ suli Zoova’n naan ɔ suannin Zeremi i bo titi’n, blɛ kun nun’n, i ɲin wa trannin like uflɛ su. Ɔ wa “kunndɛ[li] pɔɔ nun tranlɛ.” Atrɛkpa’n, ɔ kunndɛli kɛ ɔ́ ɲán sasu ekun famiɛn’n i awlo lɔ, annzɛ ɔ́ ɲán aɲanbeun ninnge kpanngban. Blɛ sɔ’n nun’n nn be su wa saci Zerizalɛmun klɔ’n. Ɔ yoli cinnjin kɛ ɔ kaci i akunndan’n naan b’a kunmɛn i wie.