Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Fevrie 2017

LIKE NGA KLISTFUƐ’M BE YO’N

Uka ɔ mma mun naan be lafi su kpa kɛ sran kun yɛ ɔ yili ninnge mun-ɔn

Uka ɔ mma mun naan be lafi su kpa kɛ sran kun yɛ ɔ yili ninnge mun-ɔn

Ninnge nga Zoova yili be’n, be yi i ɲrun m’ɔ le i’n i nglo. (Ju 19:2-5; 139:14) Sanngɛ, kɛ mɛn nunfuɛ’m bé klé wafa nga nguan nun tranlɛ’n boli i bo’n i su like’n, be saci Ɲanmiɛn i dunman. (Rɔ 1:18-25) ?Wafa sɛ yɛ amun kwla sasa amun mma mun naan i sɔ ndɛ’m b’a traman ndin be akunndan’n nin be awlɛn’n nun-ɔn? Be bakan nun’n, amun uka be naan be lafi su kɛ Zoova o lɛ sakpasakpa, naan be tinuntinun be ndɛ ti i cinnjin. (2Ko 10:4, 5; Ef 6:16) Wafa nga be bu like nga be kle be suklu lɔ’n, amun yo maan be kan. Kpɛkun amun fa ninnge fanunfanun nga anuannzɛ’n yili be’n, be uka be naan be si ndɛ nanwlɛ’n.—Nya 20:5; Za 1:19.

AMUN NIAN VIDEO NDƐ NGA Ɔ WIENGU’M BE KAN’N: LAFI SU KƐ ƝANMIƐN O LƐ. I SIN’N, AMUN TƐ KOSAN NGA’M BE SU:

  • ?Ndɛ benin yɛ sran’m be kɛn i Ɲanmiɛn i su lafilɛ’n su-ɔ?

  • ?Suklu lɔ’n, ngue like yɛ be kle amun-ɔn?

  • ?Ngue ti yɛ a lafi su kɛ Zoova o lɛ sakpa-ɔ?

  • ?Wafa sɛ yɛ a kwla uka sran kun naan w’a wun i wlɛ kɛ Ɲanmiɛn yɛ ɔ yili like’n kwlaa-ɔ?