Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Avrili 2017

 LIKE NGA KLISTFUƐ’M BE YO’N

Ɲanmiɛn manmanlɛ jue’m be wla e yakpa

Ɲanmiɛn manmanlɛ jue’m be wla e yakpa

I nun mɔ Pɔlu nin Silasi be o bisua’n, be toli jue manmannin Ɲanmiɛn. (Yo 16:25) E blɛ liɛ nun’n, kɛ be wlali aniaan wie’m be bisua Alemaɲin lɔ lika ng’ɔ suan Zaksɛnaozɛnin nun lɔ’n, ɔ nin kɛ bé fá wie mun kɔ́ Siberi klɔ’n su lɔ’n, be yoli sɔ wie. Sa sɔ’m be kle kɛ jue’m be kwla wla Klistfuɛ nga be o afɛ nun’n be yakpa.

Ɔ ka kan’n, jue fluwa uflɛuflɛ’n fíte aniɛn kaka nun. Be flɛ i kɛ To jue aklunjuɛ su manman Zoova. Kɛ e ko ɲan wie’n, e suɛn i nun jue’m be tolɛ blɛ mɔ é sú Ɲanmiɛn awlo lɔ’n naan i nun ndɛ’n ka e klun. (Ef 5:19) I liɛ’n, blɛ kekle nun’n, Ɲanmiɛn wawɛ’n maan e wla kpɛn be su. Ɲanmiɛn i manmanlɛ jue’m be kwla uka e naan e akunndan w’a tran like nga Ɲanmiɛn waan ɔ́ fá mán e’n i su. Jue sɔ mɔ be nun ndɛ’m be man sran wunmiɛn’n, be kwla wla e fanngan blɛ kekle nun. Kpɛkun kɛ e klun ti jɔwa bɔbɔ’n, e kwla to be “fa yi e aklunjuɛ’n i nglo.” (1Nyo 15:16; Ju 33:1-3) Maan blɛ kwlaa nun’n, e fa e Ɲanmiɛn manmanlɛ jue mun e yo like kwlaa ng’ɔ yo sa ye’n.

AN NIAN VIDEO JUE KUN M’Ɔ WLALI BISUAFUƐ’M BE YAKPA’N. I SIN’N, AN TƐ KOSAN NGA’M BE SU:

  • ?Sa benin mun ti yɛ aniaan bian Flustu kpɛli jue kun-ɔn?

  • ?Zaksɛnaozɛnin bisua’n nun lɔ’n, wafa sɛ yɛ jue nga aniaan’m be toli’n wlali be yakpa-ɔ?

  • ?Sa benin’m be nun yɛ Ɲanmiɛn manmanlɛ jue’m be kwla wla ɔ fanngan-ɔn?

  • ?Ɲanmiɛn manmanlɛ jue’m be nun’n, beninfuɛ mun yɛ a klo kɛ á súan naan ɔ ka ɔ klun-ɔn?