Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Ɔktɔblu 2017

Ɔktɔblu 9-15

DANIƐL 10–12

Ɔktɔblu 9-15
  • Jue 31 yɛ srɛlɛ

  • Aɲia’n i su fitilɛ (Nán ɔ tra min. 3)

ƝANMIƐN NDƐ’N NUN NINNGE KPAKPA WIE MUN

  • Zoova kannin sa ng’ɔ́ wá jú Famiɛn’m be su’n i ndɛ”: (Min. 10)

    • Da 11:2​—Famiɛn nnan be sinnin be wiengu osu be sieli Pɛrsi mɛn’n. (dp-F 212-213 § 5-6)

    • Da 11:3​—Famiɛn Alɛkzandri i balɛ’n. (dp-F 214 § 8)

    • Da 11:4​—Be bubuli Alɛkzandri i famiɛn diwlɛ’n nun nnan. (dp-F 215 § 11)

  • Kunndɛ ninnge kpakpa mɔ be o Ɲanmiɛn Ndɛ’n nun’n: (Min. 8)

    • Da 12:3​—?Wan yɛle ‘sran ngwlɛlɛfuɛ mun,’ yɛ blɛ benin nun yɛ ‘bé yó ɲɛnmɛn kɛ ɲanmiɛn su lɔ’n fa yo klanman’n sa-ɔ?’ (w13 1/7 20 § 16, nian “ndɛ wie mun ekun” i nun.)

    • Da 12:13​—?Kɛ be se kɛ Daniɛli wá ‘jáso’n,’ i bo yɛle benin? (dp-F 315 § 18)

    • ?Ngue yɛ Biblu’n i bue nga e kanngan nun lemɔcuɛ nga nun’n, ɔ kle wɔ Zoova su-ɔ?

    • ?Biblu’n i bue nga e kanngan nun lemɔcuɛ nga nun’n, i nun ninnge kpakpa benin ekun yɛ a wunnin be-ɔ?

  • Biblu’n nun kannganlɛ: (Min. 4) Da 11:28-39

MIAN Ɔ ƝIN NAAN SI JASIN FƐ’N I BO KPA

  • Kpɛ klikli nga a to sran’n: (Min. 2) Ndɛ ng’ɔ klɛ wp17.5 su’n.—Like nga a ko yo naan w’a kwla ko niɛn i osu’n, yo.

  • Sran’n i osu nianlɛ: (Min. 4) Ndɛ ng’ɔ klɛ wp17.5 su’n.—A fali fluwa’n mɛnnin i laa. Like nga a ko yo naan w’a kwla ko niɛn i osu ekun’n, yo.

  • Ijɔlɛ: (Min. 6) w16.11 8-9 § 7-8​—Ndɛ nga sran’n yíyí nun’n: ?Wafa sɛ yɛ e kwla wla sran fanngan kɛ Zoova sa-ɔ?

LIKE NGA KLISTFUƐ’M BE YO’N

  • Jue 113

  • Ndɛ nga Biblu’n kannin mɔ be kpɛnnin su’n be wla e fanngan: (Min. 15) Bo video “Ɲanmiɛn nuan ijɔfuɛ’m be ndɛ nga be kannin’n” wla e fanngan. (Jasin bofuɛ’m be kwla ɲan video sɔ’n asɔnun kpɛnngbɛn’m be sa nun.)

  • Asɔnun’n i Biblu’n nun like suanlɛ: (Min. 30) bh ndɛ tre 17 § 9-15

  • Bo aɲia’n i bo ndɛ’n i kpɔlɛ. Bo ng’ɔ́ bá lɔ’n su. (Min. 3)

  • Jue 67 yɛ srɛlɛ