LIKE NGA KLISTFUƐ’M BE YO’N
Maan Zoova i sulɛ’n yo ɔ cinnjin tra like kwlaa
Nguan’n ti like cinnjin kun mɔ Ɲanmiɛn fa cɛli e-ɔ. Sɛ e si ye annzɛ e siman ye’n, i ɲin fíte like nga e yo’n nun. E mɔ e ti Zoova i Lalofuɛ’n e kunndɛ kɛ é fá like nga e si i yo’n é mánmán Zoova m’ɔ mannin e nguan’n. (Ju 36:10; Ng 4:11) Sanngɛ sa nga be ju e su aliɛ ba kwlaa nun’n, be kwla yo maan e kpɔnzɔ Ɲanmiɛn sulɛ’n nun. (Mr 4:18, 19) Ɔ ti cinnjin kɛ e tinuntinun e usa e wun kɛ: ‘?N tu n klun n su Zoova? (Oz 14:2) ?Junman nga n di’n, ɔ tanndanman min ɲrun Zoova i sulɛ nun? ?Ngue yɛ n klo kɛ ń yó i Zoova i sulɛ nun-ɔn? ?Ń yó sɛ naan m’an uka min jasin fɛ bolɛ junman’n su?’ Sɛ e wun kɛ ɔ fata kɛ e kaci e sa ninnge wie’m be nun’n, maan e srɛ Zoova kɛ ɔ uka e kpɛkun e fa ajalɛ. Nanwlɛ, sɛ e manman Zoova blɛ kwlaa nun’n, é dí aklunjuɛ yɛ e liɛ yó ye.—Ju 61:9.
?Wan yɛ a fa ninnge nga a si be yo’n fa mɛnmɛn i-ɔ?
NIAN VIDEO LIKE NGA A SI I YO’N FA DI ZOOVA I JUNMAN’N NAAN TƐ KOSAN NGA’M BE SU:
-
?Ngue ti yɛ sɛ e klo kɛ é ɲán ɲrun Satan mɛn nga nun’n, ɔ ti tɛ-ɔ? (1Zn 2:17)
-
?Be nga be tu be klun be su Zoova’n, suyralɛ benin yɛ bé ɲɛ́n i-ɔ?
-
?Junman benin wie mun yɛ e kwla di be Zoova i sulɛ’n nun-ɔn?
