Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Klistfuɛ mun nin be junman’n—Aɲia fluwa  |  Ɔktɔblu 2017

 LIKE NGA KLISTFUƐ’M BE YO’N

?Wafa sɛ yɛ e kwla yo Biblu’n nun like suanfuɛ kpa-ɔ?

?Wafa sɛ yɛ e kwla yo Biblu’n nun like suanfuɛ kpa-ɔ?

?A klo kɛ blɛ kekle nun’n, á láfi Ɲanmiɛn su kpa kɛ Daniɛli sa? Daniɛli suannin Ɲanmiɛn Ndɛ’n i nun like kpa. Ɔ suannin ndɛ nga Ɲanmiɛn kannin be ka naan b’a kpɛn su, mɔ be wlɛ wunlɛ ti kekle’n be su like kpa. (Da 9:2) Sɛ a suan Ɲanmiɛn Ndɛ’n i nun like’n i sɔ’n úka ɔ naan a nin Ɲanmiɛn b’a nanti klanman. Afin i sɔ yolɛ’n kwla yo naan w’a lafi su kpa kɛ ndɛ nga Ɲanmiɛn kannin be’n, bé kpɛ́n su. (Zoz 23:14) Asa’n, i sɔ’n kwla yo naan w’a klo Ɲanmiɛn kpa ekun. Ɔ maan á yó sa ng’ɔ ti kpa’n. (Ju 97:10) ?Á yó sɛ naan w’a yo ye? I su afɔtuɛ wie mun yɛ.

  • ?Ngue yɛ n kwla suan-ɔn? Biblu’n nun like suanlɛ’n, i wie yɛle e wun siesielɛ naan w’a wɔ aɲia’m be bo’n. Biblu’n i bue ng’ɔ fata kɛ e kanngan nun lemɔcuɛ kun nun’n, kɛ e kanngan nun mɔ e kunndɛ ninnge nga e wunman be wlɛ’n be su like’n, e ɲan su ye. Sran wie’m be fali ajalɛ kɛ bé súan sa nga Biblu’n dun mmua boli be su ka naan b’a kpɛn su’n be su like. Wie’m be suan like nga Ɲanmiɛn wawɛ’n maan sran yo’n i su like. Yɛ wie’m be fa be ɲin sie i akoto Pɔlu i ajalɛ ng’ɔ tuli be Ɲanmiɛn junman dilɛ nun’n, annzɛ ninnge nga Zoova yili be’n be su like. Sɛ e wunman Biblu’n nun ndɛ wie wlɛ’n e kwla klɛ sie, kpɛkun i sin’n e suan su like.

  • ?Nin yɛ n kwla kunndɛ ninnge mun-ɔn? Nian video Wafa nga n kwla kunndɛ ninnge mun’n naan w’a si ajalɛ wie mun mɔ a kwla fa’n. I sin’n a kwla nian afɔtuɛ nga be mannin’n su kunndɛ nnɛn ngble mɔ Daniɛl ndɛ tre 7 kan be ndɛ’n, mɔ be ti mɛn siefuɛ’m be nzɔliɛ’n be su like.

  • ?Dɔ nɲɛ yɛ n kwla fa suan like-ɔ? Kɛ e suan Biblu’n nun like’n e nin Ɲanmiɛn e afiɛn mantan. I bo bolɛ nun’n a kwla fa blɛ kpe kan suan like, yɛ kɛ ɔ́ kɔ́ i ɲrun’n, sɛ ɔ nin i fata’n a kwla uka dɔ’n su. Tro fɛ’n yɛ ɔ cuɛn ja nda’n niɔn. Ɔ maan kɛ e mian e ɲin e suan Biblu’n nun like mɔ e wun kɛ e ɲan su ye’n, é súan nun like titi. (Nya 2:3-6) Asa’n, é kló Ɲanmiɛn Ndɛ’n i kpa ekun, yɛ Biblu’n nun like suanlɛ’n káci e nzuɛn titi.—1P 2:2.

?NGUE NZƆLIƐ YƐLE NNƐN GBLE NGA DANIƐL NDƐ TRE 7 KAN BE NDƐ’N?

  • Da 7:4

  • Da 7:5

  • Da 7:6

  • Da 7:7

KOSAN UFLƐ:

?Wafa sɛ yɛ Daniɛl 7:8 nin 24 kpɛnnin su-ɔ?

LIKE UFLƐ MƆ A KWLA SUAN SU LIKE’N:

?Ngue nzɔliɛ yɛle nnɛn gble nga Sa Nglo Yilɛ ndɛ tre 13 kan be ndɛ’n?