Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

To jue aklunjuɛ su manman Zoova

 JUE 139

Mɛn uflɛ’n i nun tranlɛ’n

Select an Audio Recording
Mɛn uflɛ’n i nun tranlɛ’n
I SIESIELƐ
Text
Image

(Sa Nglo Yilɛ 21:1-5)

  1. 1. Nian ɔ bɔbɔ, yɛ nian n wie.

    Maan ɔ yo wɔ kɛ mɛn uflɛ’n nun sa.

    Nian wafa nga ɔ wun yó wɔ’n,

    Kɛ é dí fɔundi nin alaje’n.

    Sa tɛ fi su tranman lɛ kun.

    Zoova i sielɛ’n su yoman ngbɛn.

    É wá wún wafa nga asiɛ’n bó mɔnnɛn’n.

    É tú e klun é tó jue é fá mánmán wɔ:

    (I SU SƆLƐ)

    “Ɲanmiɛn Zoova, é lá wɔ ase.

    Ɔ Wa’n ti’n like ngba kaci uflɛ.

    I fɛ dan m’ɔ yo e’n ti maan e bo e sro,

    Ayɛ yilɛ, manmanlɛ, i kwlaa ti ɔ liɛ.”

  2.  2. Siɛn nian ɔ bɔɔ, yɛ nian n wie.

    Mɛn uflɛ klanman kpa o ɔ ɲrun lɔ.

    E su wunman like wie fi,

    Nin ndɛ wie fi m’ɔ́ kún e srɛ ɔ.

    Nga ɔ kannin’n ɔ kpɛnnin su.

    Siɛn’n, ɔ nin klɔ sran yɛ bé trán ɔn.

    Yɛ ɔ́ wá cɛ́n be nga mɔ be wuli’n mun.

    Be nin e yɛ bé lá Ɲanmiɛn i ase ɔ:

    (I SU SƆLƐ)

    “Ɲanmiɛn Zoova, é lá wɔ ase.

    Ɔ Wa’n ti’n like ngba kaci uflɛ.

    I fɛ dan m’ɔ yo e’n ti maan e bo e sro,

    Ayɛ yilɛ, manmanlɛ, i kwlaa ti ɔ liɛ.”