Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

NDƐ NGA BE O FLUWA'N NUN'N

Zoova i Lalofuɛ mun

Wawle

To jue aklunjuɛ su manman Zoova

 JUE 106

Maan e suan sran klolɛ

Select an Audio Recording
Maan e suan sran klolɛ
I SIESIELƐ
Text
Image

(1 Korɛntfuɛ Mun 13:1-8)

  1. 1. Ɲanmiɛn, é kót’ɔ bo é srɛ́ wɔ,

    Maan e kwla nian ɔ nzuɛn’n i ngba su.

    Sanngɛ be nun cinnjin nga Ɲanmiɛn

    Wawɛ’n ɔ man’n yɛle sran klolɛ’n.

    E kwla yo sa sifuɛ, yakpafuɛ,

    Sanngɛ sɛ e klo’a sran’n, ɔ ti ngbɛn.

    Maan e sran klolɛ’n yo tankaan kpa,

    Maan be wun i e nantilɛ’n nun.

  2. 2. Klolɛ’n maan sran yo i wiengu ye,

    Yɛ ɔ bumɛn i wun akunndan.

    Sran ng’ɔ klo sran’n ɔ kpɔman sran fi,

    Ɔ yaci sa cɛ, kɛ Zezi sa.

    Klolɛ’n maan e kwla tra e awlɛn,

    Ɔ yo maan sa tɛ’m be sɔn e nun.

    Ɲrɛnnɛn’n nun’n maan e klo sran titi,

    Afin sran klolɛ’n ɔ wieman le.

(Nian Zan 21:17; 1 Kor. 13:13; Gal. 6:2 nun wie.)