Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

?Wan mun yɛ be yo Zoova i klun sa’n andɛ ɔ?

 Like suanlɛ 22

?Junman benin yɛ be di i Betɛli lɔ ɔ?

?Junman benin yɛ be di i Betɛli lɔ ɔ?

Îles Salomon

Canada

Afrique du Sud

Betɛli lɔfuɛ’m be di junman wafawafa. Be nian nvle kun annzɛ nvle kaka nun jasin fɛ’n bolɛ junman’n su. Wie’m be kaci fluwa mun aniɛnaniɛn’m be nun, be yi fluwa mun, yɛ be di junman lika nga be tian fluwa sɔ’m be nuan lɔ’n. Wie mun ekun be yi CD nin DVD, ɔ nin kasɛti mun, annzɛ be yo ninnge wie mun man lika nga be o lɔ’n i nunfuɛ mun.

Betɛli komite’n nian jasin fɛ’n bolɛ junman’n su. Betɛli kwlaa nun’n, asɔnun kpɛnngbɛn nsan annzɛ nsan tra su mɔ be ɲin w’a ti Ɲanmiɛn sulɛ nun kpa’n yɛ be o Betɛli komite’n nun ɔn. Be yɛ be nian Betɛli lɔ junman’n su ɔ. Ɔ maan wafa nga Zoova i Lalofuɛ’m be di Ɲanmiɛn junman’n nvle kun nun’n, be bo su kle be Ɲrun dinfuɛ’m be anuannzɛ’n. Sɛ kusu ndɛ wie yɛ ɔ tɔli nvle sɔ’n nun’n, ajalɛ kunngba’n yɛ be fa ɔ. Be Ɲrun dinfuɛ’m be anuannzɛ’n jran ndɛ sɔ’m be su ɔ yi fluwa annzɛ ɔ kan be su ndɛ aɲia mun nin aɲia dandan’m be bo lɔ. Blɛ sunman nun’n, i janunfuɛ’m be ko nian be nga be di junman Betɛli’m be nun’n, be osu. Be flɛ be kɛ nvlenvle sunianfuɛ. Kɛ be ju lɔ’n, be uka be nga be di junman Betɛli komite’n nun’n naan b’a di be junman’n i kpa. (Nyanndra Mun 11:14) Kpɛkun ɔ ijɔ nzra nun ɔ wla aniaan nga be o Betɛli’n i asa’n su lɔ’n be fanngan.

Betɛli komite’n nian asɔnun nga i sa o be su’n, be lika. Sɛ ɔ ti mɔ be taka asɔnun uflɛ kun’n, annzɛ be sie aniaan bian kun asɔnun kpɛnngbɛn annzɛ asɔnunfuɛ’m be lika nianfuɛ’n, Betɛli komite’n yɛ ɔ mɛn i wun atin ɔn. Asa kusu’n, ɔ siesie atin bofuɛ, ngaliɛ difuɛ, ɔ nin akpasua nin nvle sunianfuɛ’m be junman’n. Kpɛkun ɔ siesie aɲia dandan mun, yɛ ɔ nian aɲia sua’m be kplanlɛ’n su. Asa ekun Biblu’n nin fluwa nga asɔnun’m be sa mian be wun’n, ɔ fa ko man be. Betɛli lɔ junman’n yo maan jasin fɛ’n bolɛ junman’n yoman sukusuku.1 Korɛntfuɛ Mun 14:33, 40.

  • ?Wafa sɛ yɛ Betɛli komite’m be uka Zoova i Lalofuɛ’m be Ɲrun dinfuɛ’m be anuannzɛ’n niɔn?

  • ?Ngue yɛ Betɛli komite’m be yo be nian asɔnun nga be sa o be su’n, be lika ɔ?