I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

?Wan mun yɛ be yo Zoova i klun sa’n andɛ ɔ?

?Á yó Ɲanmiɛn i klun sa’n?

?Á yó Ɲanmiɛn i klun sa’n?

Mo nin fluwa nga i nun like suanlɛ. Ɔ ukali wɔ naan w’a si Zoova i Lalofuɛ mun kpa. Ɔ maan a si junman nga be di’n, ɔ nin sran’n i wafa nga be ti’n. E lafi su kɛ fluwa nga ukali wɔ naan w’a wun i wlɛ kɛ Zoova i Lalofuɛ mun yɛ be yo Ɲanmiɛn i klun sa’n andɛ ɔ. É wlá wɔ fanngan kɛ a suan Ɲanmiɛn i su like titi, naan like nga w’a si i’n, a bo su kle ɔ awlobofuɛ mun ɔ nin ɔ janvuɛ mun, naan a wɔ aɲia’m be bo titi.Ebre Mun 10:23-25.

Kɛ á súan Zoova i su like kɔ́ ɔ ɲrun’n, á wún i wlɛ kɛ ɔ klo ɔ kpa. I sɔ’n yó maan ɔ kusu á tú ɔ klun á yí i nglo kɛ a klo Zoova. (1 Zan 4:8-10, 19) ?Sanngɛ wafa sɛ yɛ ɔ mɛn dilɛ nun’n, a kwla yi klolɛ sɔ’n i nglo ɔ? ?Ngue ti yɛ i mmla’m be su falɛ’n ti kpa man wɔ ɔ? ?Ngue yɛ ɔ́ úka wɔ naan a nin Zoova i Lalofuɛ mun amun a yo Ɲanmiɛn i klun sa likawlɛ ɔ? Ɔ Biblu’n nun like klefuɛ’n ɔ́ úka wɔ aklunjuɛ su naan w’a wun kosan sɔ’m be su tɛlɛ. I liɛ’n a nin ɔ awlobofuɛ mun amún kwlá ‘yó sa nga amun yo ɔ amun si kɛ Nyanmiɛn klo amun’n naan w’a man amun anannganman nguan’n.’Zid 21.

É wlá ɔ fanngan kpa kɛ Ɲanmiɛn sulɛ’n nun’n, a nanti atin kpafuɛ’n su a wɔ ɔ ɲrun titi, naan a yo kpa tra laa’n. I sɔ’n ti ɔ fata kɛ a suan fluwa ‘Maan e yo sa nga e yo ɔ e si kɛ Ɲanmiɛn klo e’n’ i nun like.

 

SUAN LIKE UFLƐ EKUN

?Ngue ti yɛ Biblu’n nun like suanlɛ’n ti cinnjin ɔn?

Biblu’n su uka sran miliɔn kpanngban naan b’a wun kosan cinnjin nga sran’m be fa usa be wun’n be bo. ?A kunndɛ kɛ ɔ uka wɔ wie?