Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

?Wan mun yɛ be yo Zoova i klun sa andɛ ɔ?

 LIKE SUANLƐ 20

?Junman benin yɛ Zoova i Lalofuɛ’m be anuannzɛ’n i Ɲrun dinfuɛ’m be di ɔ?

?Junman benin yɛ Zoova i Lalofuɛ’m be anuannzɛ’n i Ɲrun dinfuɛ’m be di ɔ?

Klistfuɛ klikli’m be blɛ su’n, anuannzɛ’n i Ɲrun dinfuɛ mun

Be su kanngan anuannzɛ’n i Ɲrun dinfuɛ’m be fluwa kun nun

Klistfuɛ klikli’m be blɛ su’n, “be bɔ Jésus sunmannin be’n [ɔ] nin kpɛnngbɛn” mɔ be o Zerizalɛmu lɔ’n, yɛ be dili be ɲrun dinfuɛ junman’n niɔn. Ajalɛ cinnjin nga be fa’n, ɔ ti Klistfuɛ’m be kwlaa be liɛ. (Sa Nga Be Yoli’n 15:2) Ɔ maan, kɛ be nuan sɛ́ ajalɛ kun su lɛ’n, nn b’a dun mmua koko i su ajalɛ nga Biblu’n kle’n i su yalɛ. Kpɛkun be su fa atin nga Ɲanmiɛn wawɛ’n kleli’n, i su. (Sa Nga Be Yoli’n 15:25) I sɔ kunngba’n yɛ be te yo i andɛ ɔ.

Ɲanmiɛn fa be di i junman. Aniaan nga Ɲanmiɛn i wawɛ’n kpali be sieli be ngunmin mɔ be ti anuannzɛ’n i Ɲrun dinfuɛ mun’n, be klo Ɲanmiɛn Ndɛ’n nun like suanlɛ’n kpa. Yɛ be si anuannzɛ’n ɔ nin asɔnun’n nun ninnge’m be siesie kpa wie. Asa ekun’n, be yia le mɔcuɛ kwlaa nun, naan b’a bu like nga ɔ mian be niaan Klistfuɛ onga mun’n i akunndan. Kɛ Klistfuɛ klikli’m be blɛ su sa’n, afɔtuɛ nga be man’n m’ɔ taka Biblu’n su’n, be klɛ i fluwa su ko man be, annzɛ be sin akpasua sunianfuɛ annzɛ sran uflɛ wie mun ekun be ja su naan w’a to asɔnun mun. I sɔ’n ti’n, Ɲanmiɛn i sufuɛ’m be akunndan’n ɔ nin be ninnge yolɛ wafa’n ti kun. (Sa Nga Be Yoli’n 16:4, 5) Asa ekun’n, Ɲanmiɛn i ndɛ ng’ɔ fata kɛ be fa uka Zoova i Lalofuɛ mun’n, be bu i akunndan. Yɛ be wla be kwlaa be fanngan kɛ be dun mmua bo Ɲanmiɛn Sielɛ’n i jasin fɛ’n. Sɛ ɔ ti mɔ be man Klistfuɛ yasua’m be junman asɔnun’n nun’n, be yɛ be mɛn i wun atin ɔn.

Atin nga Ɲanmiɛn wawɛ’n kle be’n yɛ be fa ɔ. Zoova i Lalofuɛ’m be anuannzɛ’n i Ɲrun dinfuɛ’m be kpɛ be ɲin Zoova m’ɔ sie like kwlaa’n, ɔ nin Zezi m’ɔ ti asɔnun’n i su kpɛn’n be wun lɔ, naan be kle be atin. (1 Korɛntfuɛ Mun 11:3; Efɛzfuɛ Mun 5:23) Ɔ maan, be buman be wun kɛ be ti Ɲanmiɛn i sufuɛ’m be su kpɛn naan be kpa tra be. I kpa bɔbɔ’n ‘lika kwlaa nga Bua Gbanflɛn’n [Zezi] kɔ́’n,’ sran sɔ’m be nin be wiengu nga be kpali be sieli be ngunmin’n, ‘be su i su.’ (Sa Nglo Yilɛ 14:4) Nanwlɛ, kɛ Zoova i Lalofuɛ’m be anuannzɛ’n i Ɲrun dinfuɛ’m be ti i kɛ be niaan Klistfuɛ’m be srɛ Ɲanmiɛn man be’n, ɔ yo be fɛ dan.

  • ?Klistfuɛ klikli’m be blɛ su’n, wan mun yɛ be ti Zoova i Lalofuɛ’m be annuannzɛ’n i Ɲrun dinfuɛ mun ɔn?

  • ?Wafa sɛ yɛ andɛ Zoova i Lalofuɛ’m be anuannzɛ’n i Ɲrun dinfuɛ’m be kunndɛ Ɲanmiɛn i sin atin ɔn?