Kɔ i nun ndɛ'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Kle aniɛn'n Wawle

 NDƐ TRE 66

Zezi ɔli kpata bo tranlɛ cɛn’n i dilɛ Zerizalɛmun lɔ

Zezi ɔli kpata bo tranlɛ cɛn’n i dilɛ Zerizalɛmun lɔ

ZAN 7:11-32

  • ZEZI KLELI LIKE ƝANMIƐN SUA’N NUN

Kɛ ɔ fin cɛn mɔ be yoli Zezi i batɛmun’n, sran kpanngban be wa sili i kpa. Zuifu kpanngban be wunnin abonuan sa ng’ɔ yoli be’n. Asa ekun’n, Zezi i su ndɛ truli lika kwlakwla. Siɛn mɔ w’a wɔ kpata bo tranlɛ cɛn’n i dilɛ Zerizalɛmun lɔ’n, sran kpanngban kpa be su kunndɛ i.

Ndɛ nga sran’m be kɛn i Zezi su’n, be sansan be wun. Wie’m be waan: “Ɔ ti sran kpa.” Yɛ wie’m be waan: “Nán sran kpa-ɔ. Ɔ laka sran mun.” (Zan 7:12) Kpata bo tranlɛ cɛn’n i cɛn klikli’m be nun yɛ sran’m be kɛnnin i sɔ liɛ’n i dan-ɔn. Sanngɛ b’a kwlá kɛnmɛn i nzra nun. Afin be sro Zuifu’m be kpɛnngbɛn mun.

Kɛ bé dí cɛn’n, Zezi ɔli Ɲanmiɛn i sua’n nun lɔ. Wafa ng’ɔ kleli like’n boli be nga be o lɛ’n, be nuan. Kɛ mɔ w’a ɔman Zuifu’m be suklu wie fi nun le’n ti’n, Zuifu’m be usali kɛ: “?Ɔ yo sɛ yɛ sran mɔ w’a diman suklu’n, ɔ si Ɲanmiɛn Ndɛ’n kɛ nga sa-ɔ?”​—Zan 7:15.

Zezi tɛli be su kɛ: “Like nga n kle’n, ɔ finman min, ɔ fin sran ng’ɔ sunmannin min’n. Sɛ like nga n kle’n, ɔ fin Ɲanmiɛn annzɛ ndɛ nga n kan’n ɔ fin min bɔbɔ’n, sran ng’ɔ kunndɛ kɛ ɔ́ yó Ɲanmiɛn klun sa’n, ɔ́ wún i wlɛ.” (Zan 7:16, 17) Like nga Zezi kle’n, ɔ nin Ɲanmiɛn i mmla’n be sansanman be wun. Ɔ maan Zezi kleli weiin kɛ ɔ kunndɛmɛn i bɔbɔ i dunman. Sanngɛ Ɲanmiɛn manmanlɛ yɛ ɔ kunndɛ-ɔ.

I sin’n, Zezi seli kɛ: “Moizi yɛ ɔ fali Mmla’n mannin amun-ɔn. ?Nɛ́n i-ɔ? Sanngɛ amun nun ba kun sa nantiman Mmla’n su. ?Ngue ti yɛ amun kunndɛ kɛ amún kún min-ɔn?” Atrɛkpa’n, be nga be bali cɛn’n i dilɛ Zerizalɛmun lɛ’n, be nun wie’m be siman kɛ sran wie’m be waan bé kún Zezi. Be bumɛn i kɛ sran wie kwla se kɛ ɔ́ kún like klefuɛ kpa kɛ ngalɛ’n sa’n. I sɔ’n ti’n, be waan atrɛkpa like wie su i su. I sɔ’n ti’n, be seli i kɛ: “Mmusu kun kle ɔ yalɛ. ?Wan yɛ ɔ kunndɛ kɛ ɔ́ kún wɔ-ɔ?”​—Zan 7:19, 20.

Sanngɛ Zuifu’m be kpɛnngbɛn’m be kunndɛli kɛ bé kún i sakpa. Be yoli sɔ i afuɛ kun nin sin yɛ. Afin ɔ yoli sran kun juejue Wunmiɛn-lolɛ-cɛn’n nun. Zezi kunndɛli kɛ ɔ́ yí akunndan nga sran’m be bu’n i nglo. I sɔ’n ti’n, ɔ fali be ɲin sieli i ndɛ kun su. I waan kɛ ba nɔnman kun di lemɔcuɛ kun’n, Moizi Mmla’n se kɛ be wlɛ i klɛn. Kannzɛ bɔbɔ cɛn sɔ’n ti Wunmiɛn-lolɛ-cɛn’n, be wlɛ i klɛn. I sin’n, ɔ seli kɛ “?Sɛ amun wla sran kun i klɛn wunmiɛn-lolɛ-cɛn’n nun naan i sɔ’n fɔnman Moizi i Mmla’n, ɔ yo sɛ ti yɛ sran mɔ n yoli i juejue mlɔnmlɔn wunmiɛn-lolɛ-cɛn’n nun’n ti’n, amun fa min wun ya-ɔ? Nán amun jran like nga amun wun i’n su di jɔlɛ kun, sanngɛ an di jɔlɛ nanwlɛ su.”​—Zan 7:23, 24.

Be nga be tran Zerizalɛmun lɛ mɔ be si like nga Zuifu’m be kpɛnngbɛn’m be waan bé fá yó Zezi’n, be seli kɛ: “?Nán bian nga be kunndɛ kɛ bé kún i’n yɛ? Sanngɛ an nian! I yɛ ɔ su kle like yɛ, kpɛkun be yomɛn i like fi. ?Annzɛ kpɛnngbɛn’m b’a wun i wlɛ kɛ i yɛ ɔ ti Klisi’n ti-ɔ?” Like nga ti yɛ sran sɔ’m be lafiman su kɛ Zezi yɛ ɔ ti Klisi’n, be bɔbɔ be kannin. Be waan: “E si bian nga i finwlɛ. Sanngɛ Klisi’n i liɛ’n, kɛ ɔ́ wá bá’n, sran fi su simɛn i finwlɛ.”​—Zan 7:25-27.

Ɲanmiɛn i sua’n nun lɔ’n, Zezi tɛli be su kɛ: “Amun si min, yɛ amun si min finwlɛ. Nán min bɔbɔ min tiaun yɛ n bali-ɔ. Sran ng’ɔ sunmannin min’n wo lɛ sakpa. Sanngɛ amun simɛn i. Min liɛ’n, n si i. I wun lɔ yɛ n fin-ɔn. N ti i janunfuɛ. Yɛ i bɔbɔ yɛ ɔ sunmannin min-ɔn.” (Zan 7:28, 29) Kɛ sran wie’m be tili ndɛ nga Zezi kannin’n, be kunndɛli kɛ bé trɛ́ i naan bé wlɛ́ i bisua annzɛ bé kún i. Sanngɛ w’a yoman ye. Afin blɛ ng’ɔ fata kɛ Zezi wu’n nin-a juman.

Atrɛ nga Zezi yili be’n be ti’n, sran kpanngban be lafili i su. I wie yɛle kɛ ɔ nantili nzue’n su. Ɔ yoli maan aunmuan’n yacili fitalɛ. Ɔ fali kpanwun kan  nin jue kan mannin sran kpanngban kpa be aliɛ. Asa ekun’n, ɔ yoli tukpacifuɛ’m be juejue. Ɔ yoli maan be nga be ja yo be ya’n be kwla nantili. Yɛ ɔ tikeli aɲinsifuɛ’m be ɲinma. Kpɛkun ɔ yoli kokowefuɛ’m be juejue, yɛ ɔ cɛnnin be nga be wuli’n bɔbɔ. I sɔ’n ti’n, be seli kɛ: “?Sɛ Klisi’n ba’n, ɔ́ yó abonuan sa trá bian nga?”​—Zan 7:31.

Kɛ Farizifuɛ’m be tili ndɛ nga sran’m be kannin’n, be nin Ɲanmiɛn ɲrun jranfuɛ’m be su kpɛn’m be sunmannin gladi difuɛ mun kɛ be ko tra Zezi.