Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Wunmiɛn mun: ?Be kwla uka amun annzɛ be kwla yo amun abɔlɛ? ?Be o lɛ sakpa?

Mmusu’m be ti sran kunfuɛ!

Mmusu’m be ti sran kunfuɛ!

Satan nin i mmusu’m be kle sran’m be ɲrɛnnɛn kpɛkun be ti sran kunfuɛ trilili. Laa nun’n, Satan kunnin Zɔb i nnɛn mun nin i junman difuɛ mun. Kpɛkun ɔ yoli maan ‘aunmuan dan kun’ fitali yɛ sua nga Zɔbu i mma blu’m be o nun’n, ɔ bu guali be su kunnin be ɔ. I sin’n, Satan fali ‘tukpaciɛ tɛ wie guali Zɔbu wunnɛn’n su. Tukpaciɛ sɔ’n ɔ yoli i ja’n bo lele fa juli i ti’n su.’—Zɔb 1:7-19; 2:7.

Zezi blɛ su’n, mmusu’m be yoli maan sran wie’m be kacili bobofuɛ, be sili wie’m be ɲinma. (Matie 9:32, 33; 12:22) Be kleli bian kun ɲrɛnnɛn, ɔ maan ɔ fali yɔbuɛ kpɛkpɛli i wun. (Mark 5:5) Be sacili bakan kun, “be tɛli i ase, ɔ kpannin, ɔ keteli kafiaa.”—Lik 9:42.

Lalafuɛ nun’n, mmusu’m be yoli maan sran wie’m be tɔli tukpacɛ, yɛ be yoli maan wie’m be keteli kafiaa.

 Andɛ Satan nin i mmusu’m be ti sran kunfuɛ kpa. Nanwlɛ, kɛ ɔ fin cɛn mɔ be fuannin be ɲanmiɛn su lɔ’n, be klunwi ayeliɛ’n, w’a yo dan kpa. Asiɛ’n su nganniɛn nga e ti be’n, be kle kɛ be sran kunlɛ’n cɛnnin. Be fa tukpaciɛ be yi sran wie’m be su. Be kle wie’m be yalɛ kɔnguɛ, ɔ maan be kwlá lafiman, annzɛ kusu be cɛn laliɛ tɛtɛ mun. Be nin wie’m be la kɛ be yi annzɛ be wun sa. I sɔ’n yɛ sran wie’m be flɛ i be blɔlɔ bian’n annzɛ be blɔlɔ bla’n niɔn. Be tu wie’m be ɲin su, be wlawla be naan be kun sran, annzɛ be kun be bɔbɔ be wun.

Andɛ, mmusu’m be yo maan sran wie’m be yo sa kekleekle mun. Be kle sran wie’m be yalɛ kɔnguɛ, ɔ maan be cɛn laliɛ tɛtɛ mun.

Lintina tran Surinamu, amlɛkɛn be mɛn’n i ngua lika liɛ’n nun lɔ. Ɔ seli kɛ mmusu kun kunnin i osufuɛ 16, kpɛkun ɔ kleli be kplo nun ɲrɛnnɛn, kpɛkun ɔ sacili be ti nun, lele afuɛ 18. I lɛ nun’n yɛ ɔ wunnin i wlɛ kɛ kannzu mmusu’m be kwla ‘kle sran’m be ɲrɛnnɛn lele be kun be ɔ.’

Sanngɛ sɛ Satan kle Zoova i sufuɛ’m be ɲrɛnnɛn’n, Zoova kwla yo be sasafuɛ’n.—Nyanndra Mun 18:10.

 

SUAN LIKE UFLƐ EKUN

JASIN FƐ KPA KUN FIN ƝANMIƐN!

?Ngue ti yɛ Ɲanmiɛn yiman sa tɛ’n nin ɲrɛnnɛn’n niɔn?

?Wafa sɛ yɛ sa tɛ’n bali mɛn’n nun ɔn? ?Yɛ ngue ti yɛ Ɲanmiɛn nin a yiman ɔn? ?Naan ɲrɛnnɛn wunlɛ’n wíe cɛn kun?