Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Amun tie Ɲanmiɛn ndɛ’n naan amun a ɲan nguan tititi

 AKPASUA 7

?Wan yɛle Zezi?

?Wan yɛle Zezi?

Zoova sunmannin Zezi asiɛ’n su wa. 1 Zan 4:9

Sɛ e kunndɛ kɛ Zoova klun jɔ e wun’n, ɔ fata kɛ e tie sran cinnjin kun ekun i ndɛ ng’ɔ kan’n. Sran sɔ’n i tinmin’n ti dan. Zoova yili i ɲanmiɛn su lɔ, i osu cɛli kpa lele naan w’a yi Adam.

I sin’n, Zoova yoli maan talua kun m’ɔ nin a siman bian’n, mɔ be flɛ i Mali’n, ɔ wunnzɛli i yɛ ɔ wuli i Bɛtleɛmu lɔ. Be flɛli ba sɔ’n kɛ Zezi.—Zan 6:38.

I nun mɔ Zezi o asiɛ’n su wa’n, ɔ yili i Si’n i nzuɛn’n i nglo kpa liɛ su. Yɛle kɛ, ɔ yoli sran klun ufuefuɛ, ɔ kloli sran yɛ ɔ yoli sran mɔ be kwla fa be wun mɛntɛn i ɔ. Yakpa su, ɔ kannin Zoova i ndɛ nanwlɛ’n kleli sran mun.

 Zezi yoli sran’m be ye sanngɛ be kpɔli i. 1 Piɛr 2:21-24

Zezi yoli tukpacifuɛ’m be juejue, yɛ ɔ cɛnnin be nga be wuli’n be nun wie mun.

Zezi yiyili Ɲanmiɛn sulɛ wafawafa’m be kpɛnngbɛn’m be ato ndɛ mɔ be kle’n, ɔ nin be aeliɛ tɛtɛ’m be bo. I sɔ’n ti’n, be kpɔli i.

Be wlawlali Rɔmu siefuɛ mun, ɔ maan be boli Zezi yɛ be kunnin i.

SUAN LIKE UFLƐ EKUN

JASIN FƐ KPA KUN FIN ƝANMIƐN!

?Wan yɛle Zezi Klist?

An nian like nga ti yɛ Zezi wuli’n, ɔ nin like ng’ɔ su yo i ikisa’n. Yɛ amun si e ti kpɔlɛ’n i bo.