AKPASUA 1
?É yó sɛ naan y’a kwla ti ndɛ nga Ɲanmiɛn kan’n?
Biblu’n yɛ Ɲanmiɛn fa kan ndɛ kle e ɔ. 2 Timote 3:16
Ɲanmiɛn yoli maan sran’m be klɛli fluwa kun m’ɔ ti i liɛ ngunmin’n. Fluwa sɔ’n yɛle Biblu’n. I nun ndɛ’n fin i. Jasin cinnjin m’ɔ kunndɛ kɛ amun si i’n, ɔ o nun.
Ɲanmiɛn si ninnge nga be ti kpa man e’n. Kusu’n, ngwlɛlɛ’n i bo’n fin i. Ɔ maan sɛ amun sie amun su tie ndɛ ng’ɔ kan’n, amún sí ngwlɛlɛ kpa.
Ɲanmiɛn klo kɛ sran kwlaa nga be o asiɛ’n su’n, be kanngan Biblu’n nun. Siɛn’n, b’a yi Biblu’n aniɛn kpanngban nun.
Sɛ amun kunndɛ kɛ amún tí ndɛ nga Ɲanmiɛn kan’n, ɔ fata kɛ amun kanngan Biblu’n nun naan amun wun i nun ndɛ’n i wlɛ.
Matie 28:19
Asiɛ wunmuan’n su’n, be kan Ɲanmiɛn ndɛ’n be kle sran mun.Zoova i Lalofuɛ’m be kwla uka amun naan amun a wun Biblu’n i nun ndɛ’n i wlɛ.
Asiɛ wunmuan’n su’n, be kan Ɲanmiɛn ndɛ nanwlɛ’n kle sran mun.
Asa kusu’n, amun kwla kɔ be asɔnun sua mɔ be flɛ i Ɲanmiɛn Sielɛ Sua’n i nun be ko tie Ɲanmiɛn i nuan ndɛ’n. I kwlaa sɔ nun’n, amun su tuaman dein.