Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Amun tie Ɲanmiɛn ndɛ’n naan amun a ɲan nguan tititi

 AKPASUA 5

?Nowe blɛ su’n, wan yɛ ɔ sieli i su ɔ?

?Nowe blɛ su’n, wan yɛ ɔ sieli i su ɔ?

Nowe blɛ su sran’m be sunman lika be ti sa tɛtɛ yofuɛ. Bo Bolɛ 6:5

Adam nin Ɛvu be wuli ba, ɔ maan sran’m be wa sɔnnin asiɛ’n su kpa. Kɛ ɔ́ kɔ́ i ɲrun’n, anzi wie’m be wa jasoli Ɲanmiɛn wun kɛ Satan sa.

Be bali asiɛ’n su wa, be fali klɔ sran wunnɛn naan b’a ja bla mun. Bla sɔ’m be wuli ba jajraajra. Ba sɔ’m be le wunmiɛn kpa, yɛ be yo wlɛ.

Sa tɛtɛ yofuɛ’m be yili asiɛ wunmuan’n piɛ. Biblu’n se kɛ: “Sran’m be klunwi’n kɔ i nyrun cɛn’n kwlaa. Kɛ aliɛ’n cɛ́n b’ɔ́ sán’n, wuun be klun akunndan’n yó tɛ kɔ́ i nyrun.”

 Nowe tieli ndɛ nga Ɲanmiɛn kannin’n, yɛ ɔ boboli mmeli kun. Bo Bolɛ 6:13, 14, 18, 19, 22

Nowe ti sran kpa. Zoova seli i kɛ ɔ́ tɔ́ anannganman su nzue dan kun fá núnnún klunwifuɛ mun.

Ɲanmiɛn kan kleli Nowe ekun kɛ ɔ bobo mmeli dan kpa kun naan ɔ fɛ i awlobofuɛ mun nin nnɛn wafawafa kwlaa wlu nun.

Nowe boli sran’m be jɔ kɛ anannganman su Nzue Dan’n wá tɔ́. Sanngɛ, b’a sieman be su. Wie’m be srili i. Wie’m be kusu, be fa be ɲin cili i.

Kɛ Nowe wieli mmeli’n bobo’n, ɔ fali nnɛn mun wluli nun.

SUAN LIKE UFLƐ EKUN

JASIN FƐ KPA KUN FIN ƝANMIƐN!

?Ngue ti yɛ Ɲanmiɛn yiman sa tɛ’n nin ɲrɛnnɛn’n niɔn?

?Wafa sɛ yɛ sa tɛ’n bali mɛn’n nun ɔn? ?Yɛ ngue ti yɛ Ɲanmiɛn nin a yiman ɔn? ?Naan ɲrɛnnɛn wunlɛ’n wíe cɛn kun?