Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Biblu’n nun ndɛ’m be kpɔlɛ bolɛ fluwa’n

Akpasua 5: Babilɔni lɔ lomuɛn nun tranlɛ lele Zerizalɛmu i wun talɛ’n i kplanlɛ

Akpasua 5: Babilɔni lɔ lomuɛn nun tranlɛ lele Zerizalɛmu i wun talɛ’n i kplanlɛ

I nun mɔ Izraɛlifuɛ’m be o lomuɛn nun Babilɔni lɔ’n, sa kpanngban kleli be Ɲanmiɛn sulafilɛ’n i yalɛ. Be fali Sadraki, Mesaki nin Abɛdi-Nego be yili be sin dan kpa kun nun, sanngɛ Ɲanmiɛn deli be. I sin’n, kɛ Medifuɛ mun nin Pɛrsifuɛ’m be wa fali Babilɔni klɔ’n, be fali Daniɛli be yili i asɔmɔli’m be kunman’n nun, sanngɛ Ɲanmiɛn sɛsɛli i ekun, ɔ katali asɔmɔli’m be nuan’n su.

Kɛ ɔ yoli’n, Pɛrsifuɛ’m be famiɛn Siriisi yili Izraɛlifuɛ mun lomuɛn nun. Yɛ be sali be sin be klɔ liɛ’n su lɔ ɔ. Be dili afuɛ ableso (70) lomuɛn nun Babilɔni lɔ. Kɛ be sali be sin Zerizalɛmu lɔ’n, like nga be dun mmua yoli’n, yɛle Zoova sua’n i kplanlɛ. Sanngɛ i osu w’a cɛman yɛ be kpɔfuɛ’m be wa jrannin be junman’n niɔn. Ɔ maan kɛ be sali be sin Zerizalɛmu lɔ’n, ɔ dili afuɛ ablaɔn nin nɲɔn (22), kwlaa naan b’a wie Ɲanmiɛn sua’n kplan.

I sin’n, é wá kán Ɛsdrasi m’ɔ bali Zerizalɛmu ɔ wa siesieli Ɲanmiɛn sua’n i ye’n, i ndɛ wie. Kɛ ɔ́ bá’n, nn b’a kplan Ɲanmiɛn sua’n i afuɛ ablanan nin nso (47) yɛ. I sin’n, kɛ ɔ dili afuɛ blu nin nsan’n (13), yɛ Neemi kusu bali ɔ. Ɔ wa ukali be naan b’a kplan Zerizalɛmu klɔ’n i wun talɛ’n i uflɛ. AKPASUA NNUN’N i nun ndɛ kwlaa dili afuɛ ya kun afuɛ ablenun nin nɲɔn (152).

Ɛsdrasi nin nvle’n nunfuɛ’m be su srɛ Ɲanmiɛn.