I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

Biblu’n nun ndɛ’m be kpɔlɛ bolɛ fluwa’n

Akpasua 4: Famiɛn klikli’n i blɛ’n su lele Babilɔni lɔ lomuɛn kɔlɛ

Akpasua 4: Famiɛn klikli’n i blɛ’n su lele Babilɔni lɔ lomuɛn kɔlɛ

Saili yɛ ɔ yoli Izraɛli famiɛn klikli’n niɔn. Sanngɛ Zoova yili i famiɛn dilɛ’n i ase, kpɛkun ɔ fali Davidi sieli i osu nun. É wá sí Davidi su ninnge kpanngban. Davidi i gbanflɛn nun’n, ɔ nin Goliati m’ɔ ti sran jajraja’n be kunnin. I sin’n, ɔ wanndili Saili aɲinblɔɛfuɛ’n i ɲrun. Kpɛkun Abigaili bla klanman’n, ɔ buli i ɲrun nɲa naan w’a yoman sa tɛ.

I sin’n, é wá súan Davidi i wa Salomɔn m’ɔ sinnin i si ja nun dili famiɛn’n, i su ninnge kpanngban. Famiɛn klikli nsan nga be sieli Izraɛli mɛn’n, be sieli i be tinuntinun afuɛ ablanan (40). Kɛ Salomɔn wuli’n, Izraɛli mɛn’n buli nun nɲɔn. Famiɛn diwlɛ’n kun o mɛn’n i nglo lɔ, yɛ kun kusu o mɛn’n i ngua wa.

Nglo lɔ famiɛn klɔ’n, ɔ ti akpasua blu (10). Ɔ dili afuɛ ya nɲɔn afuɛ ablenun nin nso (257) naan Asirifuɛ’m b’a nunnun i. Kpɛkun kɛ afuɛ ya ablasan nin nsan (133) sinnin’n, yɛ be nunnunnin ngua wa famiɛn diwlɛ’n niɔn. Blɛ sɔ’n nun Babilɔnifuɛ’m be fali Izraɛlifuɛ’m be ɔli lomuɛn. Ɔ maan AKPASUA NNAN’N ti afuɛ ya nnun afuɛ blu (510) be nun ndɛ m’ɔ fata kɛ e fa e ɲin e sie su ɔ.

Famiɛn Salomɔn su srɛ Ɲanmiɛn.