I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

Amun awlobo’n kwla di aklunjuɛ

 AKPASUA 9

Wafa nga amun yó naan amun awlobo’n w’a su Zoova’n

Wafa nga amun yó naan amun awlobo’n w’a su Zoova’n

‘I b’ɔ yili nyanmiɛn su lɔ’n, nin asiɛ’n, an koto i bo.’Sa Nglo Yilɛ 14:7.

Kɛ nga amun fa wunnin i fluwa nga nun’n sa’n, Biblu’n nun mmla nga be kwla uka amun nin amun awlobofuɛ mun’n be diman be yalɛ. Zoova kunndɛ kɛ amun di aklunjuɛ. Ɔ tali nda kɛ sɛ amun fɛ i klun sa yolɛ’n sie i like kwlaa ɲrun’n, ɔ́ fá ninnge onga mun “úka su mán amun.” (Matie 6:33) Ɔ kunndɛ kpa kɛ amun nin i be tra janvuɛ. Ɔ maan amun yo like kwlaa nga amun kwla yo’n naan amun nin i be tra janvuɛ titi. Cenjele like danfuɛ nga sran kun kwla ɲɛn i’n, yɛle ngalɛ’n.Matie 22:37, 38.

 1 MAAN AMUN NIN ZOOVA AMUN AFIƐN MANTAN KPA

NDƐ NGA BIBLU’N KAN’N: “‘Ń yó amun si, yɛ amun kusu amún yó min wa yasua nin min wa bla.’ Kɛ e Min Nyanmiɛn b’ɔ kwla like’n kwlaa yo’n ɔ se sɔ-ɔ.” (2 Korɛntfuɛ Mun 6:18) Ɲanmiɛn kunndɛ kɛ amun nin i be afiɛn mantan kpa. Wafa nga amun kwla yo i sɔ’n, i kun yɛle i srɛlɛ. Zoova waan amun ‘koko yalɛ kle i titi, nán an yaci.’ (1 Tɛsalonikfuɛ Mun 5:17) Ɔ kunndɛ kpa kɛ amun kan amun klun ndɛ nin sa nga be o amun su’n kle i. (Filipfuɛ Mun 4:6) Sɛ amun nin amun awlobo’n nunfuɛ’m be srɛ Ɲanmiɛn likawlɛ’n, bé wún kɛ amun lafi i su sakpa.

Like kun ekun yɛle Ɲanmiɛn i nuan ndɛ’n i tielɛ. Wafa nga amun kwla yo i sɔ’n, yɛle i Ndɛ’n nun kannganlɛ nin Biblu’n i akua’m be nun like suanlɛ. (Jue Mun 1:1, 2) Like nga amun suan’n, amun bu su akunndan kpa. (Jue Mun 77:12, 13) Like kun ekun mɔ amun kwla yo naan amun a tie Ɲanmiɛn ndɛ’n yɛle asɔnun aɲia’m be kwlaa be bo tranlɛ.Jue Mun 122:1-4.

Sɛ amun klo kɛ amun nin Zoova amun afiɛn sɛ kpa ekun’n, amun kɛn i ndɛ kle amun wiengu mun. Sɛ amun yo sɔ kpa’n, amun nin i be afiɛn mántan kpa.Matie 28:19, 20.

LIKE NGA AMUN KWLA YO’N:

  • Cɛn kwlakwla’n, amun fa blɛ be kanngan Biblu’n nun, kpɛkun amun srɛ Ɲanmiɛn.

  • Maan Ɲanmiɛn sulɛ’n yo amun awlobo’n i cinnjin tra amun ɲin su yiyilɛ’n.

2 AMUN SU ƝANMIƐN AKLUNJUƐ SU AWLO LƆ

NDƐ NGA BIBLU’N KAN’N: “An fa amun wun mantan Nyanmiɛn, yɛ i kusu fɛ́ i wun mántan amun-ɔn.” (Zak 4:8) Amun kle amun awlobo’n i Ɲanmiɛn sulɛ blɛ’n naan amun jran su titi. (Bo Bolɛ 18:19) Sanngɛ nɛ́n i ngba ɔ. Amun ninnge kwlaa yolɛ nun’n, amun kle kɛ amun lafi Ɲanmiɛn su. Amun kan Ɲanmiɛn ndɛ kle awlo’n nunfuɛ mun naan be nin Ɲanmiɛn be afiɛn mantan kpa. “Sɛ amun ti amun awlo lɔ, amun kan, sɛ amun wo atin su amun su kɔ lika o, amun kan, sɛ amun wa la o, sɛ amun tinnge o, amun kan.” (Mmla’n 6:6, 7) Amun fua kɛ Zozie fa fuali’n sa. Ɔ seli kɛ: “N liɛ’n, e nin min osufuɛ mun, é sú Anannganman.”Zozie 24:15.

LIKE NGA AMUN KWLA YO’N:

  • Amun sie blɛ kun naan amun nin amun awlo’n nunfuɛ’m be jran su titi suan like. Blɛ sɔ’n nun’n, amun uka amun awlo’n nunfuɛ’m be tinuntinun naan be nin Ɲanmiɛn be afiɛn sɛ kpa.

SUAN LIKE UFLƐ EKUN

?Ngue yɛle awlobofuɛ’m be Ɲanmiɛn sulɛ’n?

Nian wafa nga i sɔ ajalɛ’n kwla uka wɔ naan a nin Ɲanmiɛn yɛ a nin ɔ awlofuɛ mun amun afiɛn w’a mantan kpa’n.

Wafa nga awlobo tranlɛ’n kwla yo fɛ’n

Klolɛ nga Zezi yili i nglo’n ti ajalɛ kpa man yasua, bla, nin siɛ nin niɛn mun yɛ ba kanngan mun. ?Ngue yɛ i ajalɛ’n kle e ɔ?