Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Amun kle amun mma’m be like

 LIKE SUANLƐ 9

Zeremi w’a yaciman Zoova i ndɛ kanlɛ le

Zeremi w’a yaciman Zoova i ndɛ kanlɛ le

?Ngue ti yɛ sran’m be fali Zeremi i wun ya ɔ?

Zoova yoli maan Zeremi fiteli nun

Cɛn wie’n, kɛ e kan Zoova i ndɛ e kle sran mun’n, be sri e, annzɛ be fa e wun ya. I sɔ’n ti’n, e kwla kunndɛ kɛ é yáci Zoova i ndɛ kanlɛ. ?W’a yo ɔ sɔ le?— Biblu’n kan gbanflɛn kan kun i ndɛ. Ɔ klo Zoova, sanngɛ ɔ ka kan naan w’a yaci Zoova i ndɛ kanlɛ. Be flɛ gbanflɛn kan sɔ’n kɛ Zeremi. Maan e kɛn i ndɛ.

I nun mɔ Zeremi te yo gbanflɛn kan’n, Zoova seli i kɛ ɔ se sran’m be kɛ be yaci sa tɛtɛ mun be yolɛ. I sɔ’n yoli kekle kpa mannin Zeremi. Srɛ kunnin i. Ɔ maan ɔ seli Zoova kɛ: ‘N siman ijɔ. N te yo bakan.’ Sanngɛ Zoova tɛli i su kɛ: ‘Nán maan srɛ kun ɔ. Ń úka ɔ.’

 Ɔ maan Zeremi seli sran’m be kɛ, sɛ b’a kaciman be ayeliɛ’n, ɲrɛnnɛn tɔ́ be su. ?A bu i kɛ sran’m be fali Zeremi i ndɛ’n su?— B’a faman su. Be wie’m be srili i, yɛ be wie’m be fɛli i wun ya. Sran wie mun be kunndɛli kɛ bé kún i bɔbɔ. ?Kɛ a niɛn i sa’n, Zeremi i wun yoli i sɛ?— Srɛ kunnin i. I sɔ’n ti’n, ɔ seli kɛ: ‘N su kanman Zoova i ndɛ kun.’ ?Sanngɛ ɔ yoli sɔ sakpa?— Cɛcɛ, w’a yoman sɔ. Klolɛ m’ɔ kloli Zoova dan’n ti’n, w’a yaciman i ndɛ kanlɛ le. Yɛ kɛ mɔ Zeremi w’a yaciman Zoova i ndɛ kanlɛ’n ti’n, Zoova niɛnnin i su, w’a wuman.

Le kun’n, sran tɛ wie mun be toli Zeremi yili i kunman dan kun nun. Nnɔtiɛ o kunman sɔ’n nun kpa. Kɛ ɔ o kunman’n nun lɔ’n ɔ nɔnman nzue, ɔ diman aliɛ kusu. Sran sɔ’m be kunndɛli kɛ bé yáci Zeremi lɔ lele naan ɔ wu. Sanngɛ Zoova ukɛli i maan w’a wuman, ɔ fiteli nun!

?Ngue yɛ Zeremi i su ndɛ’n kle wɔ ɔ?— Cɛn wie’n srɛ kunnin i, sanngɛ w’a yaciman Zoova i ndɛ kanlɛ le. Ɔ kusu kɛ a kan Zoova i ndɛ kle sran mun’n, wie liɛ’n be sri wɔ, annzɛ be fa ɔ wun ya. I ti’n, ɲannzuɛn kwla kun ɔ, annzɛ srɛ kwla kun ɔ. Sanngɛ nán yaci Zoova i ndɛ kanlɛ le. Ɔ́ úka ɔ titi kɛ ɔ fa ukali Zeremi’n sa.

KANNGAN BE Ɔ BIBLU’N NUN

  • Zeremi 1:4-8; 20:7-9; 26:8-19, 24; 38:6-13