I su junman dilɛ'n i siesielɛ

Kle aniɛn'n

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Kɔ i nun ndɛ'n su trele

Zoova i Lalofuɛ mun

Wawle

Amun kle amun mma’m be like

 LIKE SUANLƐ 3

Raabu lafili Zoova su

Raabu lafili Zoova su

Maan ɔ yo e kɛ e o klɔ nga be flɛ i Zeriko’n su lɔ sa. Klɔ sɔ’n o Kanaanfuɛ mun be mɛn’n nun. Kanaanfuɛ mun be lafiman Zoova su kaan sa. Klɔ sɔ’n su lɔ yɛ bla kun mɔ be flɛ i Raabu’n ɔ tran ɔn.

Raabu i kaan nun’n, ɔ tili i kɛ Moizi kpɛli Ndɛma jenvie’n nun naan ɔ fali Izraɛlifuɛ mun Ezipti lɔ fiteli. Ɔ tili i ekun kɛ Zoova yoli maan Izraɛlifuɛ’m be kwlali be kpɔfuɛ mun. Siɛn’n, w’a ti i kɛ Izraɛlifuɛ’m b’a ju Zeriko i wun koko lɛ!

Raabu sasali klɔ kpla nianfuɛ mun, afin ɔ lafi Zoova su

Le kun’n, Izraɛlifuɛ nɲɔn be ɔli Zeriko i kpla nianlɛ. Kɛ ɔ́ yó sɔ’n, nn lika’n su san. Raabu i awlo lɔ yɛ be wluli ɔ. Ɔ sɔli be nun. Sanngɛ kɔnguɛ’n, Zeriko famiɛn’n tili i kɛ klɔ nianfuɛ mun b’a wlu klɔ’n nun, naan be ɔli Raabu i awlo lɔ. I ti’n, famiɛn’n sunmɛnnin i sran mun kɛ be ko tra be. Sanngɛ Raabu fali klɔ nianfuɛ nɲɔn mun ko fiɛli i sua’n i ti su nglo lɔ. Kpɛkun ɔ seli famiɛn’n i sran mun kɛ: ‘Sran sɔ’m be juli min awlo wa sɔ, sanngɛ be ɔli. Sɛ amun su be su ndɛndɛ’n, amún tó be!’ ?A si like nga ti yɛ Raabu sasali klɔ nianfuɛ mun’n?— Ɔ lafi Zoova su ti ɔ. Kpɛkun ɔ si kɛ Zoova fá Kanaan mɛn’n mán Izraɛlifuɛ mun.

Ka naan klɔ nianfuɛ mun b’a ɔ’n, be seli Raabu kɛ, kɛ bé wá núnnún Zeriko klɔ’n, be su kunmɛn i nin i awlofuɛ mun wie. ?Sanngɛ a si like nga be seli Raabu kɛ ɔ yo’n?— Be seli i kɛ: ‘Fa ɲanman ɔkwlɛ nga cici i ɔ fenɛtri’n nun. Sɛ a yo sɔ’n, sran kwlaa nga be o ɔ awlo’n nun’n, bé fíte nun.’ Ndɛ nga be kannin’n, Raabu niannin su. ?I sin’n, a si sa ng’ɔ juli’n?—

Zoova deli Raabu nin i awlofuɛ mun

Kɛ ɔ cɛli kan’n, Izraɛlifuɛ mun be nanti bo sin yiali Zeriko klɔ’n. Be yoli sɔ lele cɛn ba nsiɛn. Be tɔ bliin yɛ be kɔ ɔ. Cɛn kun, be bo sin yia klɔ’n kpɛ kunngba. Sanngɛ cɛn nso su’n, be bo sin yiali klɔ’n kpɛ nso. Kpɛkun be ngba be kpannin kekle kpa. Zoova yoli maan klɔ’n i wun talɛ wunmuan’n bubuli. Sanngɛ sua nga ɲanman ɔkwlɛ’n cici i fenɛtri’n nun’n, ɔ kali lɛ. W’a buman wie. ?A wun i desɛn’n su?— Raabu nin i awlofuɛ mun be fiteli nun!

 ?Ngue yɛ Raabu i su ndɛ’n kle wɔ ɔ?— Raabu tili Zoova i su ndɛ. Ndɛ sɔ’n yoli i ɲɛnmɛn. I ti yɛ ɔ lafili Zoova su ɔ. Ɔ kusu, Zoova i su like nga a su suan’n, ɔ sɔnnin kpɛkun ɔ yo ɲɛnmɛn. ?A lafi Zoova su kɛ Raabu sa?— E si kɛ a lafi i su!

KANNGAN BE Ɔ BIBLU’N NUN

  • Zozie 2:1-24; 6:1-5, 14, 15, 20-25

  • Ebre Mun 11:31