?Cɛn wie lele ɲrɛnnɛn’n wíe?
?Á tɛ́ su kɛ [...]
-
ɛɛn?
-
cɛcɛ?
-
ɔ kwla yo sɔ?
NDƐ NGA BIBLU’N KAN’N
“Nyanmiɛn [...] núnnún be nyinmuɛn’n kwlaa, wie’n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun.”—Sa Nglo Yilɛ 21:3, 4, Nyanmiɛn Ndɛ’n.
WAFA NGA NDƐ SƆ’N KWLA YO Ɔ YE’N
A kwla lafi su kɛ nán Ɲanmiɛn yɛ maan a wun ɲrɛnnɛn-ɔn.—Zak 1:13.
Ɔ wla’n gúa ase. Afin á sí kɛ, kɛ ɲrɛnnɛn o e su’n, Ɲanmiɛn wun wafa nga e wun fa yo e’n i wlɛ.—Zakari 2:8.
A kwla lafi su kɛ ɲrɛnnɛn kwlaa wá wíe.—Jue Mun 37:9-11.
?E KWLA LAFI NDƐ NGA BIBLU’N KAN’N SU SAKPA?
Sa nɲɔn ti’n, e kwla tɛ su kɛ ɛɛn:
-
Kɛ e wun ɲrɛnnɛn mɔ be bu e lufle’n, ɔ yo Ɲanmiɛn i ya kpa. ?Laa’n, kɛ be kleli Ɲanmiɛn Zoova i nvle’n nunfuɛ’m be yalɛ’n, wafa sɛ yɛ i wun fa yoli i-ɔ? Biblu’n se kɛ ‘yalɛ mɔ be kle be’n ɔ nin mianmianlɛ mɔ be mianmian be’n’ ti’n, be yoli Ɲanmiɛn i annvɔ.—Jɔlɛ Difuɛ Mun 2:18.
Be nga be kle be wiengu’m be yalɛ’n, Ɲanmiɛn kpɔ be. Biblu’n se kɛ Ɲanmiɛn i ɲin ci ‘sran kunfuɛ’ mun.—Nyanndra Mun 6:16.
-
Ɲanmiɛn nian e lika e tinuntinun. Zoova wla e fanngan kɛ e fa e su sa’n kwlaa e wlɛ i sa nun, afin ɔ ‘nian e lika.’—1 Piɛr 5:7.
Ɔ cɛ kan’n, Zoova i Sielɛ’n nun’n, ɔ́ núnnún ɲrɛnnɛn nga be o sran’m be tinuntinun be su’n. (Matie 6:9, 10) Ka naan blɛ sɔ’n w’a ju’n, ɔ fɔnvɔ be nga be tu be klun be kunndɛ i’n.—Sa Nga Be Yoli’n 17:27; 2 Korɛntfuɛ Mun 1:3, 4.
BU KOSAN NGA SU AKUNNDAN
?Ngue ti yɛ Ɲanmiɛn yaci sran mun lɛ mɔ be wun ɲrɛnnɛn-ɔn?
Biblu’n tɛ kosan sɔ’n su RƆMFUƐ MUN 5:12 ɔ nin 2 PIƐR 3:9 be nun.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ngue ti yɛ Ɲanmiɛn yaci sran’m be lɛ mɔ be wun ɲrɛnnɛn-ɔn?
Wafa nga Biblu’n tɛ su’n ɔ cici sran wla.
AN TINNGE!
?Ɲanmiɛn ti yɛ e wun ɲrɛnnɛn-ɔn?
Be buali Ɲanmiɛn su ato be fa lakali sran mun. ?Ndɛ nanwlɛ’n yɛle benin?
AN TINNGE!
E Yifuɛ’n ti’n e wla o like kpa kun su
Maan e kan ninnge wie mɔ Ɲanmiɛn wá yó mán e’n be ndɛ.
