Kɔ i nun ndɛ'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Kle aniɛn'n Wawle

 LIKE SUANLƐ 17

Sɛ a kunndɛ janvuɛ’n, yo ɔ wun janvuɛ

Sɛ a kunndɛ janvuɛ’n, yo ɔ wun janvuɛ

Janvuɛ tralɛ’n, ɔ taka sran klolɛ’n su. Kɛ amún sí Zoova kpa kɔ́ i ɲrun’n, nn amún kló i kpa kusu. Kɛ amún kló i’n, nn i sulɛ’n kusu yó amun fɛ. I sɔ’n úka amun naan amun a kaci Zezi Klist i sɔnnzɔnfuɛ. (Matie 28:19) Sɛ amun yo Zoova i Lalofuɛ’m mɔ be di aklunjuɛ’n, be nun kun’n, amún kwlá yó Ɲanmiɛn i janvuɛ tititi. ?Yɛ ngue yɛ ɔ fata kɛ amun yo-ɔ?

Sɛ amun di Ɲanmiɛn i mmla’m be su’n yɛ amún klé kɛ amun klo i-ɔ. “Nyanmiɛn i klolɛ’n yɛlɛ kɛ e fɛ i ndɛ’n su, i ndɛ sɔ’n i su falɛ’n yo-man ya.”—1 Zan 5:3.

Like nga amun suan’n, amun yo i nuan su sa. Ɲanndra kun mɔ Zezi buli’n kle kɛ ɔ ti sɔ. Sran ngwlɛlɛfuɛ kun kplɛnnin i sua’n yɔbuɛ’n su. Sran sinnglinfuɛ kun kplɛnnin i sua’n aunɲan’n nun. Kɛ aunmuan dan kun fitali’n, sua nga be kplɛnnin i yɔbuɛ su’n w’a buman, sanngɛ sua nga be kplɛnnin i aunɲan nun’n bubuli mlɔnmlɔn. Zezi seli kɛ be nga be tie ndɛ’n mɔ be yo i nuan su sa’n, be ti kɛ ngwlɛlɛfuɛ ng’ɔ kplɛnnin i sua’n yɔbuɛ su’n sa. Sanngɛ be nga be tie ndɛ’n mɔ be yomɛn i nuan su sa’n, be ti kɛ sinnglinfuɛ ng’ɔ kplɛnnin i sua’n aunɲan nun’n sa. ?Amun klo kɛ amún yó kɛ sran beninfuɛ’n sa?—Matie 7:24-27.

 Be wun Ɲanmiɛn fa manlɛ. Yɛle kɛ amun srɛ Zoova naan amun se i kɛ amun klo kɛ amún yó i klun sa tititi. Sɛ amun yo Ɲanmiɛn i klun sa’n, amún klé kɛ an ti Zezi Klist i sɔnnzɔnfuɛn.—Matie 11:29.

Batɛmun. “Maan be yo wɔ batɛmun i dunman nun, maan be yaci ɔ wun sa’n cɛ wɔ.”—Sa Nga Be Yoli’n 22:16.

Maan amun tu amun klun su Ɲanmiɛn. “Like kwlaa nga amún yó’n, amun tu amun klun yo i kɛ e Min’n yɛ amun su yo mɛn i sa, nán amun bu i kɛ sran yɛ an su yo mɛn i ɔ.”—Kolɔsfuɛ Mun 3:23.