1 Be Ɲoliɛ 7:1-40
7 Isakaa i mma mun yɛle Tola, nin Pia, nin Zasubu, nin Simunrɔn.+ Be ti sran nnan.
2 Tola i mma mun yɛle Uzi, nin Refaya, nin Zeriɛli, nin Zamai, nin Ibsamun, nin Semiɛli. Be ti be akpasua’n nunfuɛ’m be su kpɛn. Tola i osu’n nunfuɛ’m be ti safuɲrɛn ngunmin. Davidi blɛ su’n, be ti sran akpiakpi ablaɔn-nin-nɲɔn nin ya nsiɛn. (22.600).
3 Uzi i osu’n nunfuɛ mun* yɛle Izraya nin Izraya i mma mun. Ba sɔ mun yɛle Misɛli, nin Abdiasi, nin Zoɛli, ɔ nin Isia. Be sran nnun’n be ti awlobo kpɛnngbɛn.
4 Be bɔbɔ nin be osu’n nunfuɛ’m be jali bla kaka yɛ be wuli ba yasua kpanngban. Ɔ maan be awloboawlobo’m be nun sonja nga be kwla kɔ alɛ kunlɛ’n, be ti akpiakpi ablasan-nin-nsiɛn (36.000).
5 Be niaan nga be fin Isakaa akpasua’n nun mɔ be klɛli be dunman’n be awlobo’m be fluwa’m be nun’n,+ be ti safuɲrɛn ngunmin. Be ti akpiakpi ablaɔcuɛ-nin-nso (87.000).
6 Bɛnzamɛn+ i mma mun yɛle Bela,+ nin Bekɛɛ,+ nin Zediaɛli.+ Be ti sran nsan.
7 Bela i mma mun yɛle Ɛzbɔn, nin Uzi, nin Uziɛli, nin Zerimɔtu, ɔ nin Iri. Be ti sran nnun. Be ti be akpasua’n nunfuɛ’m be su kpɛn, yɛ be ti safuɲrɛn ngunmin. Safuɲrɛn sɔ mɔ be klɛli be dunman be awlobo’m be fluwa’m be nun’n,+ be ti akpiakpi ablaɔn-nin-nɲɔn nin ablasan-nin-nnan (22.034).
8 Bekɛɛ i mma mun yɛle Zemira, nin Zoasi, nin Eliezɛɛ, nin Elionai, nin Ɔmri, nin Zeremɔtu, nin Abia, nin Anatɔtu, ɔ nin Alemɛti. Be kwlaa be ti Bekɛɛ i mma mun.
9 Kɛ be klɛli kpɛnngbɛn sɔ mun nin be osu’n nunfuɛ’m be dunman’n be awlobo’m be fluwa’m be nun’n, sonja kpakpa nga be fin be osu’n nun’n be ti akpiakpi ablaɔn nin ya nɲɔn (20.200).
10 Zediaɛli+ i mma mun yɛle Bilan nin Bilan i mma mun. Ba sɔ mun yɛle Zeisi, nin Bɛnzamɛn, nin Eidi, nin Kenaana, nin Zetan, nin Taasisi, nin Aisaa.
11 Zediaɛli i osu’n* nun’n, kɛ be klɛli sran’m be dunman be si’m be awlobo’m be fluwa’m be nun’n, safuɲrɛn nga be kwla kɔ alɛ kunlɛ’n, be ti akpiakpi blu-nin-nso nin ya nɲɔn (17.200).
12 Iri+ i mma mun yɛle Sipimun nin Ipimun. Aɛɛ i mma mun yɛle Isimun.
13 Nɛftali+ i mma mun yɛle Zaziɛli, nin Gunin, nin Zezɛli, ɔ nin Salɔmun. Be ti Bila+ i osu’n nunfuɛ.*
14 Manase+ i mma mun yɛ: Asriɛli. Ɔ nin i yi ng’ɔ ti Sirifuɛ’n yɛ be wuli i-ɔ. (Bla sɔ’n wuli Makii.+ Ɔ ti Galaadi i si.
15 Makii jali bla mannin Ipimun nin Sipimun. Be flɛ i niaan bla’n kɛ Maaka.) Ba’m be nɲɔn su’n suan Zelofeadi.+ Sanngɛ Zelofeadi liɛ’n, ba bla mun yɛ ɔ wuli be-ɔ.+
16 Maaka m’ɔ ti Makii i yi’n wuli ba yasua kun. Ɔ tɔnnin i dunman kɛ Perɛsi. Be flɛ i niaan bian’n kɛ Serɛsi. Yɛ i mma mun yɛle Ulamun nin Rekɛmun.
17 Ulamun i wa yɛle Bedan. Galaadi i mma mun-ɔn. Galaadi ti Makii i wa, yɛ Makii ti Manase i wa.
18 I niaan bla’n suan Amolekɛti. Bla sɔ’n yɛ ɔ wuli Isɔdu, nin Abiezɛɛ, ɔ nin Mala-ɔ.
19 Semida i mma mun yɛle Aian, nin Sisɛmun, nin Liki, ɔ nin Aniamun.
20 Efraimun+ i wa yasua mun yɛle Sutela,+ Berɛdi ti i wa, Taati ti i wa, Eleada ti i wa, Taati ti i wa,
21 Zabadi ti i wa, Sutela ti i wa, yɛ Ezɛɛ nin Eleadi. Gatifuɛ+ nga be wuli be lika sɔ’n nun’n, be kunnin be. Afin be ɔli be nnɛn’m be wualɛ.
22 Kɛ ɔ yoli sɔ’n, be si Efraimun sunnin be* cɛn kpanngban kpa. I niaan’m be ko fɔnvɔli i lelele.
23 I sin’n, ɔ nin i yi be sili sua. Bla’n wunnzɛli, kpɛkun ɔ wuli ba yasua kun. Efraimun flɛli i kɛ Beria.* Afin kɛ bla’n wú ba’n, nn ɲrɛnnɛn’n w’a tɔ i awlo’n su.
24 I wa bla’n suan Seera. Bla sɔ’n yɛ ɔ kplannin Bɛti-Orɔn ng’ɔ o Ngua Lɔ’n+ nin Bɛti-Orɔn ng’ɔ o Nglo Lɔ’n,+ ɔ nin Uzɛnin-Seera-ɔ.
25 Efraimun i osu’n nunfuɛ mun yɛle Refa nin Resɛfu. Resɛfu wuli Tela, Tela wuli Taan,
26 Taan wuli Ladan, Ladan wuli Amiidi, Amiidi wuli Elisama,
27 Elisama wuli Nɛn, Nɛn wuli Zozie.*+
28 Lika nga be ɲɛnnin i’n nin be tranwlɛ mun yɛ: Betɛli+ nin klɔ nga be mɛntɛn i lɛ’n, Naran m’ɔ o be lika’n i wia afiliɛ lɔ’n, Gezɛɛ m’ɔ o be lika’n i wia atɔliɛ lɔ’n nin klɔ nga be mɛntɛn i lɛ’n, Sisɛmun nin klɔ nga be mɛntɛn i lɛ’n lele fa ju Aya* nin klɔ nga be mɛntɛn i lɛ’n,
29 yɛ be lika’n ng’ɔ kɔ Manase i osu’n nunfuɛ’m be bue liɛ’n su lɔ’n, yɛle Bɛti-Sean+ nin klɔ nga be mɛntɛn i lɛ’n, Tanaki+ nin klɔ nga be mɛntɛn i lɛ’n, Megido+ nin klɔ nga be mɛntɛn i lɛ’n, Dɔɔ+ nin klɔ nga be mɛntɛn i lɛ’n. Klɔ sɔ’m be su yɛ Izraɛli i wa Zozɛfu i osu’n nunfuɛ’m be trannin-ɔn.
30 Azɛɛ i wa yasua mun yɛle Imna, nin Isiva, nin Isivi, ɔ nin Beria.+ Be niaan bla’n yɛle Sera.+
31 Beria i mma mun yɛle Ebɛɛ nin Malkiɛli. Malkiɛli wuli Biizaiti.
32 Ebɛɛ wuli Zaflɛti, nin Somɛɛ, nin Ɔtamun, ɔ nin be niaan bla Sua.
33 Zaflɛti i mma mun yɛle Pasaki, nin Bimali, nin Asivati. Zaflɛti i mma mun yɛ be o lɛ-ɔ.
34 Semɛɛ* i mma mun yɛle Ai, nin Roga, nin Zeubadi, nin Aramun.
35 I niaan bian Elɛmun* i mma mun yɛle Zofa, nin Imna, nin Selɛsi, ɔ nin Amali.
36 Zofa i mma mun yɛle Sua, nin Aanefɛɛ, nin Siali, nin Beri, nin Imra,
37 nin Bezɛɛ, nin Ɔdu, nin Sama, nin Silisa, nin Itran, nin Beera.
38 Zetɛɛ i mma mun yɛle Zefine, nin Pisipa, ɔ nin Ara.
39 Ula i mma mun yɛle Ara, nin Aniɛli, nin Rizia.
40 Azɛɛ i mma mun yɛ be o lɛ-ɔ. Be ti be si’m be awloboawlobo’m be su kpɛn. Sran sɔ mun yɛ be kpali be-ɔ. Be ti safuɲrɛn, yɛ be ti sonja su kpɛn’m be su kpɛn. Be sonja nga be kwla kun alɛ mɔ be klɛli be dunman be awlobo’m be fluwa’m be nun’n,+ be ti yasua akpiakpi ablaɔn-nin-nsiɛn (26.000).+
Ja ngua lɔ ndɛ mun
^ Ebr., “i mma yasua mun.”
^ Ebr., “i mma yasua mun.”
^ Ebr., “i mma yasua mun.”
^ Ebr., “yoli be sɛ.”
^ I bo’n yɛ: “ɲrɛnnɛn’n nun.”
^ Annzɛ “Zoosua,” i bo’n yɛ: “Zoova ti Defuɛ.”
^ Be kwla se ekun kɛ “Gaza.” Sanngɛ nán Gaza ng’ɔ o Filisti mɛn’n nun lɔ’n niɔn.
^ I ndɛ mma 32 nun’n, be flɛ i ekun kɛ Somɛɛ.
^ Atrɛkpa’n, i yɛ be flɛ i Ɔtamun ndɛ mma 32 nun’n niɔn.
