Matie 1:1-25

  • Zezi Klisi i afinliɛ’n (1-17)

  • Zezi i awuliɛ’n (18-25)

1  Fluwa nga kan Zezi Klisi* i ndɛ.* Ɔ ti Davidi i wa,* i kusu ti Abraamun i wa.   Abraamun wuli Izaaki.Izaaki wuli Zakɔbu.Zakɔbu wuli Zida nin i niaan bian mun.   Zida wuli Perɛzi nin Zeraki. Ɔ nin Tamaa yɛ be wuli be-ɔ.Perɛzi wuli Ɛzrɔn.Ɛzrɔn wuli Ramun.   Ramun wuli Aminadabu.Aminadabu wuli Naasɔn.Naasɔn wuli Salmɔn.   Salmɔn wuli Boazi. Ɔ nin Raabu yɛ be wuli i-ɔ.Boazi wuli Obɛdi. Ɔ nin Riti yɛ be wuli i-ɔ.Obɛdi wuli Zese.   Zese wuli Famiɛn Davidi.Davidi wuli Salomɔn. Ɔ nin Iri i yi’n yɛ be wuli i-ɔ.   Salomɔn wuli Roboamun.Roboamun wuli Abia.Abia wuli Aza.   Aza wuli Zozafati.Zozafati wuli Zoramun.Zoramun wuli Uziya.   Uziya wuli Zotamun.Zotamun wuli Akazi.Akazi wuli Ezekiasi. 10  Ezekiasi wuli Manase.Manase wuli Amɔn.Amɔn wuli Zoziasi. 11  Zoziasi wuli Zekoniasi ɔ nin i niaan bian mun. Blɛ mɔ bé wá trá Zuifu’m be lomuɛn kɔ́ Babilɔnin’n, i nun yɛ ɔ wuli be-ɔ. 12  Kɛ be trali be lomuɛn ɔli Babilɔnin’n, Zekoniasi wuli Selatiɛli.Selatiɛli wuli Zorobabɛli. 13  Zorobabɛli wuli Abiidi.Abiidi wuli Eliakimun.Eliakimun wuli Azɔɔ. 14  Azɔɔ wuli Zadɔku.Zadɔku wuli Akimun.Akimun wuli Eliidi. 15  Eliidi wuli Eleazaa.Eleazaa wuli Matan.Matan wuli Zakɔbu. 16  Zakɔbu wuli Zozɛfu m’ɔ ti Mari i wun’n. Bla sɔ’n yɛ ɔ wuli Zezi mɔ be flɛ i Klisi’n niɔn. 17  Ɔ maan kɛ ɔ fɛ i Abraamun su m’ɔ́ fá jú Davidi su’n, be kwlaa be ti sran akpasua blu-nin-nnan (14). Kɛ ɔ fɛ i Davidi su m’ɔ́ fá jú blɛ mɔ bé trá Zuifu’m be lomuɛn kɔ́ Babilɔnin’n, be ti sran akpasua blu-nin-nnan (14). Kɛ ɔ fɛ i blɛ mɔ be trali be ɔli Babilɔnin m’ɔ́ fá jú Klisi’n su’n, be ti sran akpasua blu-nin-nnan (14). 18  Sanngɛ wafa nga Zezi Klisi i awuliɛ’n yoli’n yɛ: Blɛ mɔ i nin Mari nin Zozɛfu be sunnzunnin kɛ bé já’n, Ɲanmiɛn wawɛ’n maan ɔ wunnzɛli, kusu nn be nin-a tranman likawlɛ kɛ sran kun nin i yi sa. 19  Sanngɛ i wun Zozɛfu ti sran seinfuɛ, yɛ kusu ɔ kunndɛman kɛ ɔ́ gúɛ i ɲin ase sran’m be ɲrun. Ɔ maan ɔ sunnzunnin kɛ ɔ́ yáci i nun nvialiɛ nun. 20  Sanngɛ kɛ ɔ buli sa sɔ’m be akunndan’n, i sin’n Zoova* i anzi kun wa yili i wun nglo kleli i laliɛ nun. Ɔ seli i kɛ: “Zozɛfu, Davidi wa, nán srɛ kun wɔ, fa ɔ yi Mari kɔ ɔ bo. Afin ba mɔ w’a wunnzɛ i lɛ’n, ɔ fin Ɲanmiɛn wawɛ’n. 21  Ɔ́ wá wú ba yasua kun. Tɔn i dunman Zezi.* Afin ɔ́ wá dé sran mun be sa tɛ’m be nun.” 22  I kwlaa sɔ’n juli naan ndɛ nga Zoova sinnin i nuan ijɔfuɛ’n i lika kannin’n, ɔ kpɛn su. Ɔ seli kɛ: 23  “An nian! Talua m’ɔ nin-a siman bian’n, ɔ́ wá wúnnzɛ, yɛ ɔ́ wú ba yasua kun. Kpɛkun bé wá tɔ́n i dunman Emaniɛli.” I bo’n yɛle kɛ “Ɲanmiɛn nin e o nun.” 24  I sin’n, Zozɛfu tinngeli. Kpɛkun kɛ nga Zoova i anzi’n kleli i kɛ ɔ yo’n sa’n, ɔ fɛli i yi’n ɔli i bo. 25  Sanngɛ ɔ nin i b’a siman sua lele ɔ wuli ba yasua kun, naan w’a tɔn i dunman Zezi.

Ja ngua lɛ nzɔliɛ mun

Be kwla se ekun kɛ “Mesi’n annzɛ Sran mɔ Ɲanmiɛn sieli i kɛ ɔ di junman ngunmin kun’n.”
Be kwla se ekun kɛ “afinliɛ.”
Glɛki nun’n, be kwla flɛ be anunman annzɛ be anunman sian kɛ be wa.
Ɲanmiɛn Ndɛ’n i bue nga be klɛli i Glɛki nun’n, Ɲanmiɛn i dunman’n mɔ yɛle Zoova’n wo nun kpɛ 237. Wa yɛ dunman sɔ’n dun mmua fite-ɔ.
Dunman sɔ’n i kunngba’n yɛle Ebre nun dunman Yesua, annzɛ Yosua. I bo’n yɛle delɛ’n fin Zoova.