Ghɔ tchʉm o

Ghɔ tchʉm sous-menu

Mkwintɛ Jeova

Bandjoun-Baham

O djô mtyè’dzu dze ge ke?

O djô mtyè’dzu dze ge ke?

Dzu yeng gô . . .

  • Tchwe a po’o a?

  • Pôk ne ghô m dze a?

  • Kwyepgne m pepoung a?

 YWE YÉ BIBLE GOM A

Si . . . gô so’ tchi’ goung shyetse awè ne mnye map. Vu te gô so’ ping pe we pe. Ne lô ba ne tchwé ke go’ le te gô so’ ping pe we pe, ne pa’ bvo dzu be a tchye.”​—APOKALIPSE 21:3, 4, Kɔ sə́.

A FING NE KWITE O

Ne jye ge o fing ne ti gre ta’ fa’ pepoung.​—Isaïe 65:21-23.

Ne jye ge mgho pou a mgo’o gô mi.​—Isaïe 25:8; 33:24.

Ne pyap ne tchwe tchum ŋwègne mama pou a tundye o gre mso pou.​—Psaume 37:11, 29.

 TE BÉ PE PING YWE YÉ BIBLE GOM A LE?

Éé baa da’ ne tse jye pouee:

  • Si bé kou’ ne lonye mka’gne mye. Pou khé Jéova Si tchum Bible ge “gè m tuô awè,” ne pa’ gu’ é be a ka re dze a. (Apokalipse 15:3) É be é tchente kou’gne ne re ge yeng dzu kwyepgne ji pepoung. Ya ne gre te Bible ghom ge som ywe “te tchye Si pe.”​—Matio 19:26.

  • Si be é re ji ne donye mka’nye mye. Ta’ fo’te ge, Jéova bo sengne ne ha vok bi pô pye wap pfu a.​—Job 14:14, 15.

    Bible bing dagne ge mou Si, Yéso, le pa pô pye wap le bo go a. Ke le gre té re po’o? A le be ye ji ne kwite wap. (Markousi 1:40, 41) Yéso le tchente da’te ma tap é tchye m ne ye ji ne kwite pô pye wap le be tchum go’ a.​—Yohane 14:9.

    Pa’ po’o a, pe fing ne tchente bing ge Jéova ba Yéso bo tcheng ne kwite wok pe ne re mtyè’dzu dze pepoung!​—Psaume 72:12-14; 145:16; 2 Pétro 3:9

 SÈ NWE NE YWE Ô

Si gô re ge yeng dzu kwyepgne ji pepoung m ge ke?

Bible ba’ nwe ne hente yeng tchum MATIO 6:9, 10 ba DANIEL 2:44.