Pintor tu konten

Pintor tu menu namangihut

Sitindangi Ni Jahowa

Batak (Toba)

Galeri Foto Warwick Bagian 5 (September 2015 Sahat tu Februari 2016)

Galeri Foto Warwick Bagian 5 (September 2015 Sahat tu Februari 2016)

Galeri foto on patuduhon hamajuan ulaon pajongjongkon kantor pusat ni Sitindangi Ni Jahowa na baru dohot pangurupion ni angka sukarelawan di proyek on sian September 2015 sahat tu Februari 2016.

Denah kompleks Warwick:

  1. Gedung Bengkel

  2. Inganan Parkir tu Angka Tamu

  3. Inganan Alat Partukangan dohot Inganan Parkir Anggota Betel

  4. Inganan Keluarga Betel B

  5. Inganan Keluarga Betel D

  6. Inganan Keluarga Betel C

  7. Inganan Keluarga Betel A

  8. Kantor dohot Inganan Haporluan ni Keluarga Betel

7 Oktober 2015—Warwick

Bagian ni jembatan na laho dipajongjong di rawarawa, dipapinda tu inganan ni fondasi jembatan. Dipangke ma angka ban asa unang sega tingki dipaturun sian truk. Jembatan on dibahen asa unang kotor rawarawa i.

13 Oktober 2015—Kantor/Inganan Haporluan ni Keluarga Betel

Disuan do sedum di atap on, i ma suansuanan na marganti warna andorang so ro musim dingin. Adong sampulu onom macam sedum na disuan di atap on. Denggan do atap sisongon on, alana boi mangonsop aek dohot salju. Asingni i, mura do mangarawat atap on, holan dibaboi sambing.

13 Oktober 2015—Inganan keluarga Betel D

Sahalak tukang mamasang lis profil ni lamari dapur di inganan ni keluarga Betel. Di ujung ni bulan Februari 2016, nunga lobi sian 60 persen lamari dapur na dipasang Departemen Perkayuan.

16 Oktober 2015—Kantor/Inganan Haporluan ni Keluarga Betel

Angka tukang listrik mamasang lampu LED asa boi torang idaon logo ni Joujou Paboahon na dipasang di ginjang ni bangunan i.

21 Oktober 2015—Kantor/Inganan Haporluan ni Keluarga Betel

Gedung Kantor/Inganan Haporluan ni Keluarga Betel, Menara dohot lobi utama na torang idaon tingki borngin. Sian Menara i, boi do angka tamu manatap uli ni humaliang ni kantor Warwick.

22 Oktober 2015—Warwick

Dibahen angka sukarelawan do dalan tu kendaraan darurat. Dilapisi nasida ma dalan i pangke tano, dung i dicor beton ma. Goni panutup na tarida di pudi, dipangke asa unang tarhois tano i tingki mambahen dalan.

9 November 2015—Kantor/Inganan Haporluan ni Keluarga Betel

Angka parkarejo mamasang atap kaca di ginjang ni lift di lobi. Sampulu sada atap kaca na adong di Kantor/Inganan Haporluan ni Keluarga Betel mambahen inganan i torang tingki arian.

16 November 2015—Inganan Alat Partukangan dohot Inganan Parkir Anggota Betel

Sahalak tukang las mamotong pipa baja karbon mamangke mesin las oksi-asetilen, pipa on laho dipasang tu alat na pangalihon ruangan.

30 November 2015—Kantor/Inganan Haporluan ni Keluarga Betel

Sahalak tukang hau mamasang alas ni jandela. Dung denggan dipasang alas i jala gomos dipasang dinding gypsum, baru ma dipasang jandela i.

17 Desember 2015—Warwick

Mamasang conblok tingki ro udan. Di tonga ni gambar dompak siamun, adong alat na bontar na dipangke laho padosdoshon dua lampis batu. Di jolo ni gambar, i ma ekskavator na adong penjepit hidraulisna dipangke laho mamasang conblok. Di hambirang, adong terpal plastik laho manutup tano asa unang tarhois.

24 Desember 2015—Warwick

Angka parkarejo manarik kabel tu gardu induk na dipangke laho pamasukkon arus tu kompleks Warwick.

5 Januari 2016—Kantor/Inganan Haporluan ni Keluarga Betel

Sahalak parkarejo pasaehon rangka atap ni dalan sian Gedung Parkir Tamu tu Gedung Kantor/Inganan Haporluan ni Keluarga Betel. Atap on dibahen asa unang hona udan manang salju angka tamu na mardalan disi.

5 Januari 2016—Inganan Alat Partukangan dohot Inganan Parkir Anggota Betel

Sahalak teknisi menyetel pengaturan ketel uap. Opat ketel uap di kompleks warwick nunga dipasang

8 Februari 2016—Kantor/Inganan Haporluan ni Keluarga Betel

Angka tukang mesin mamasang mesin pengering di Departemen Penatu. Angka mesin on boi pakoringkon 6 sahat tu 45 kilo pahean. Angka mesin cuci na laho dipasang di tembok di parhambirang.

8 Februari 2016—Tuxedo

Si Gerrit Lösch, i ma sahalak sian Punguan na Mangaradoti Organisasi, manguluhon Parsiajaran Joujou Paboahon tu keluarga Betel. Diputar do acara on tu sude inganan tu parkarejo di Warwick.

19 Februari 2016—Inganan Keluarga Betel A

Departemen Interior manaruhon karpet tu sada bangunan inganan keluarga Betel. Dituhor do karpet na bidangna 65.000 meter persegi, laho dipasang di kompleks Warwick.

22 Februari 2016—Warwick

Nunga dijalo be sertifikat ni Bangunan Inganan Keluarga Betel C dohot D sian bulan September 2015 sahat tu bulan Februari 2016. Gabe boi ma angka parkarejo tading di angka inganan i. Nunga dipasang sude lift di bangunan i. Nunga dibahen sude dalan tu Inganan Keluarga Betel dohot conblok-na. Ala ndang pangalihu tingki musim dingin, boi ma umhatop dibahen nasida taman.

24 Februari 2016—Inganan Alat Partukangan dohot Inganan Parkir Anggota Betel

Sahalak anggota tim na mambahen panel plafon mardalan mamangke engrang laho mamasang rangka plafon. Departemen Dinding/Plafon do na mambahen rangka, mamplester, mamasang dohot pasaehon dinding gypsum. Nasida do muse na mamasang sistem penahan api asa unang adong kebakaran.