Pintor tu konten

Sitindangi Ni Jahowa

Pillit Hata Batak (Toba)

Galeri Foto Warwick Bagian 6 (Maret Sahat tu Agustus 2016)

Galeri Foto Warwick Bagian 6 (Maret Sahat tu Agustus 2016)

Galeri foto on patuduhon ulaon pajongjongkon kantor pusat ni Sitindangi Ni Jahowa na baru. Jala patuduhon songon dia angka sukarelawan dohot mangurupi di proyek on sian Maret sahat tu Agustus 2016.

Foto kompleks Warwick. Sian ginjang sabola hambirang:

  1. Gedung Bengkel

  2. Inganan Parkir tu Angka Tamu

  3. Inganan Alat Partukangan dohot Inganan Parkir Anggota Betel

  4. Inganan Keluarga Betel B

  5. Inganan Keluarga Betel D

  6. Inganan Keluarga Betel C

  7. Inganan Keluarga Betel A

  8. Kantor dohot Inganan Haporluan ni Keluarga Betel

16 Maret 2016​—Warwick

Na karejo di bagian taman mamboan hau ek dohot mapel tu inganan na baru. Lobi sian 1.400 hau disuan di Warwick.

23 Maret 2016​—Gedung Bengkel

Angka anggota di Warwick ro tu Borngin Parningotan Hamamate ni Kristus, sada ulaon na somal diulahon Sitindangi Ni Jahowa ganup taon di liat portibi on. Na ro tu inganan on 384 halak.

15 April 2016​—Warwick

Angka tungkang mamasang jandela di pos panjaga. Angka panjaga di pos on do na manjangkon na ro, manjaga luat i, jala mangatur angka motor na masuk dohot na kaluar.

19 April 2016​—Kantor dohot Inganan Haporluan ni Keluarga Betel

Sahalak ama rap dohot anakna mamasang karpet di dalan na di lantai dua. Karpet sisongon on ma dipangke di area umum, alana molo adong na sega ummura do gantion sian karpet na bolak.

27 April 2016​—Kantor dohot Inganan Haporluan ni Keluarga Betel

Angka tungkang mamasang dinding na boi dipapinda. Molo dihaporluhon, boi digeser angka parkarejo dinding i.

10 Mei 2016​—Kantor dohot Inganan Haporluan ni Keluarga Betel

Sahalak parkarejo paulihon kamar mandi tu angka na ro di jonok ni lobby, mamasang WC dohot angka dinding pembatas.

26 Mei 2016​—Warwick

Di tingki pelatihan, Tim Penanggungjawab Keadaan Darurat marlatik pamintophon api. Molo diparade nasida asa hatop mangadopi situasi na so panagaman, boi ma urupan ni nasida angka parkarejo na asing jala pamintophon api molo adong kebakaran.

30 Mei 2016​—Kantor dohot Inganan Haporluan ni Keluarga Betel

Sahalak pramusaji paradehon hundulan tu angka parkarejo di Warwick di ruang makan utama andorang so dipungka ibadat pagi di inganan i.

31 Mei 2016​—Inganan Alat Partukangan dohot Inganan Parkir Anggota Betel

Sahalak tungkang mamangke laser laho mamasang sada sian 2.500 tanda na gabe tudutudu tu angka halak disi.

1 Juni 2016​—Kantor dohot Inganan Haporluan ni Keluarga Betel

Tungkang las mamasang sitiopon di tangga utama, dalan sian lobby tu auditorium. Dipangke do kain na tahan api songon na taida di gombar laho manghungkupi angka naung sae.

9 Juni 2016​—Kantor dohot Inganan Haporluan ni Keluarga Betel

Sada sian anggota Bagian Atap/Dinding pakoringkon dinding tu bagian pameran ”Beraksi dalam Iman”, i ma sada sian tolu inganan na boi idaon ni na ro. Sude bagian sian bangunan i, patuduhon tema di ganup galeri.

16 Juni 2016​—Gedung Bengkel

Angka parkarejo paradehon lantai laho didensifikasi. Proses densifikasi i ma melapisi semen asa karas, tahan leleng, jala ndang marbongkas nang pe hona orbuk manang ban. Alani i, gabe ummura ma uruson.

29 Juni 2016​—Kantor dohot Inganan Haporluan ni Keluarga Betel

Pigapiga tungkang mamasang fiberglass di ginjang ni lobby di pintu masuk. Kaca on mambahen asa unang gabe silo di inganan i.

29 Juni 2016​—Kantor dohot Inganan Haporluan ni Keluarga Betel

Na mardongan saripe mamasang keramik granit di pintu masuk pameran ”The Bible and the Divine Name”.

6 Juli 2016​—Kantor dohot Inganan Haporluan ni Keluarga Betel

Sahalak tungkang mamasang sada sian 1.018 kursi di auditorium utama. Dison ma diulahon parsiajaran Joujou Paboahon dohot angka acara parpunguan ni anggota keluarga Betel.

9 Juli 2016​—Kantor dohot Inganan Haporluan ni Keluarga Betel

Angka tungkang, parlistrik, dohot angka parkarejo na asing, mamasang lampu di lobby utama.

13 Juli 2016​—Kantor dohot Inganan Haporluan ni Keluarga Betel

Dua anggota sian Bagian Bangunan manaruhon siinumon tu angka parkarejo di lobby utama. Tarlumobi di musim panas, sai dijujui do angka parkarejo asa godang minum.

19 Juli 2016​—Kantor dohot Inganan Haporluan ni Keluarga Betel

Sahalak tungkang mamasang rak inganan ni angka Bibel di pameran ”The Bible and the Divine Name”. Di pameran on adong do gombar na boi marputar, angka Bibel dohot angka artefak taringot Bibel.

22 Juli 2016​—Kantor dohot Inganan Haporluan ni Keluarga Betel

Sahalak tungkang mamasang peta Australia dohot angka pulo di Asia Tenggara di lobby utama mamangke cetak biru. Disurat do disi hata Sitindangi Ni Jahowa di bagasan 700 bahasa.

23 Juli 2016​—Kantor dohot Inganan Haporluan ni Keluarga Betel

Angka anggota keluarga Betel manangihon tingki dipasahat angka tudutudu. Acara on dibahen laho manjangkon jala mangurupi anggota keluarga Betel na baru di Warwick taringot angka na porlu diparrohahon di luat i.

17 Agustus 2016​—Studio JW Broadcasting

Ring inganan ni angka lampu dohot tiang na dipangke tu inganan ni pembawa acara JW Broadcasting. Godangan angka alat on, diboan sian ingananna hian di Brooklyn.

24 Agustus 2016​—Warwick

Sahalak tungkang listrik mamasang tanda na baru mamangke lampu LED di pintu masuk utama. Mulai sian 1 September, godangan departemen di kantor pusat nunga dipapinda tu Warwick.