Pintor tu konten

Sitindangi Ni Jahowa

Pillit Hata Batak (Toba)

Galeri Foto Filipina 2 (Juni 2015 Sahat tu Juni 2016)

Galeri Foto Filipina 2 (Juni 2015 Sahat tu Juni 2016)

Nunga sae be Sitindangi Ni Jahowa na di Filipina merenovasi kantor cabang ni nasida di Quezon City. Di galeri foto on, taida ma songon dia i diulahon jala aha do na dikarejohon angka relawan sian bulan Juni 2015 sahat tu bulan Juni 2016. Piga-piga bulan dungkon i, nunga sae be gedung i direnovasi. Jala, dibahen ma penahbisanna di bulan Februari 2017.

On ma gombar ni kantor cabang Filipina. Angka gedung na direnovasi, i ma:

  • Bangunan 4 (Inganan)

  • Bangunan 5 (Audio/Video, Departemen Dinas)

  • Bangunan 6 (Bengkel Las, Pemeliharaan Kendaraan, Pemeliharaan Taman)

  • Bangunan 7 (Departemen Komputer, Pemeliharaan, Penerjemahan, Pengiriman, dohot Rancang/Bangun Setempat)

15 Juni 2015​—Lokasi Kantor Cabang di Quezon City

Tim na mancor beton mamasang dalan asa boi mardalan pat tu Bangunan 1, 5, dohot 7.

15 Juni 2015​—Bangunan 5

Andorang so dikarejohon, diparsiajari angka parkarejo do rancangan na dibahen Departemen Rancang/Bangun Regional–Asia/Pasifik. Di bulan Maret taon 2016, nunga pinda be departemen on sian Australia tu kantor cabang Filipina.

23 Juni 2015—Lokasi Kantor Cabang di Quezon City

Sahalak parkarejo mamangke traktor laho mambongkar dalan. Dung dibongkar dalan i, digali ma laho mamasang pipa tu pendingin udara.

20 Juli 2015—Lokasi Kantor Cabang di Quezon City

Sahalak baoa dohot istrina sian Amerika Serikat naeng mengelas pegangan di jalur na dipangke laho mardalan pat.

20 Juli 2015—Lokasi Kantor Cabang di Quezon City

Angka parkarejo mamasang pipa tu pendingin udara di Bangunan 4 dohot 5.

18 September 2015—Bangunan 5

Sahalak parkarejo mamangke paku tembak laho mamasang jendela.

18 September 2015—Bangunan 5

Sahalak parkarejo mamasang karpet. Sude ruangan na di lantai dua Bangunan 5 dipangke Departemen Audio/Video. Jadi, ndang pala tarbege be suara sian luar tu ruang rekaman molo nunga dipasang karpet.

22 Oktober 2015—Bangunan 5

Angka parkarejo mancat bagian luar ni bangunan. Cat on boi menghemat energi jala mambahen asa ndang mohop di bagasan tingki hona mohop mata ni ari.

10 Februari 2016—Bangunan 4

Sahalak parkarejo mambuat cetakan beton na dipangke laho mamasang pagar. Dua tingkat do Bangunan 4 on. Bangunan on ma na dipangke gabe inganan ni angka na dohot tu singkola Bibel.

10 Februari 2016—Bangunan 4

Sahalak parkarejo sian tim pemasangan saluran pemanas, ventilasi, dohot AC mambungkus pipa pendingin udara. On dibungkus (insulasi) asa mambahen sistem pendingin udara lam denggan jala asa ndang pala godang ombun (kondensasi).

16 Februari 2016—Bangunan 4

Sahalak parkarejo na sian Australia mamareso sakelar pemutus tenaga listrik (circuit breaker) na dibagasan kotak panel listrik. Lobi sian 100 parkarejo naung tarlatik sian luar ni Filipina, ro laho mangurupi proyek renovasi on.