Pintor tu konten

Sitindangi Ni Jahowa

Pillit Hata Batak (Toba)

Sitindangi Ni Jahowa Mangurupi Paiashon Huta Rostov-on-Don

Sitindangi Ni Jahowa Mangurupi Paiashon Huta Rostov-on-Don

Ditongoshon walikota ni Rostov-on-Don, di Rusia Selatan ma surat tanggal 20 Mei 2015 na mandok mauliate tu Sitindangi Ni Jahowa ”ala nunga ringgas nasida mangurupi paiashon kota i di musim semi.”

Di ulaon laho mambahen lam ias kota Rostov-on-Don, Sitindangi Ni Jahowa sian opat huria rade papunguhon sampah na adong di sude dalan dohot di topi ni sunge. Holan pigapiga jom pe nunga dipapungu nasida 300 goni sampah, dung i martruk ma diboan.

Boasa olo Sitindangi mangulahon on? Si Raisa na marumur 67 taon mandok, ”Ndang boi paula so hubereng, las do rohangku molo ias kota on jala sude halak gabe sehat. Nang pe ndang godang halak na mangida, alai las do rohanami mangulahon on. Alana diida Jahowa do sude.” Didok si Aleksander muse, ”Ndang holan marbarita na uli ulaonnami, alai rade do hami mangurupi nasida. Mansai las do rohangku ala boi huulahon na denggan tu angka hombar ni jabungku.”

Diargai angka halak do na diulahon Sitindangi Ni Jahowa. Sahalak na tading disi tarsonggot dung diboto ndang digarar hape Sitindangi mangulahon i. Gabe taronjar ma rohana dohot di ulaon i jala didok ibana, ”Ndang hurimpu boi las roha mangulahon ulaon paiashon jala godang labana!” Didok ibana muse, ”Nang pe pigapiga sian hamu ndang parhuta on, alai olo do hamu mangurupi!”

Diparrohahon sahalak pejabat ma pigapiga halak Sitindangi papunguhon godang sampah. Difoto ibana ma nasida di lambung ni angka goni sampah na dipapungu nasida i, asa boi patuduonna tu na asing gabe sitiruon.